雅虎香港新聞 【復活節親子好去處】零入場費玩餐飽！
復活節親子好去處唔一定要消費嘅，小編都係一位知慳識儉嘅人，深明應駛則駛呢個道理，話晒復活節連放四日假，如果四日都同小朋友去啲要入場費嘅活動，你知啦，一家三口好多時都要買三張飛，雖然小朋友有時有兒童優惠，但條數都好襟計架。所以呢，一啲免入場費、消唔消費自己話事嘅好去處，都真係要袋定落袋先，以備不時之需。呢篇零入場費！復活節親子好去處，分左戶外活動及商場活動兩部份，而家雨季，天氣不穩，如果真係落雨，戶外活動玩唔到都可以轉戰室內嘛。
復活節親子好去處 零入場費玩餐飽
【戶外活動】
1. 港式復活蛋萌遊360 （好玩度：★★★★★）
昂坪市集由3月30日開始至到4月28日，足足成個月都會有復活節精彩活動，當中包括：
打卡位：本地插畫家Messy Desk設計與別不同嘅港式復活蛋裝飾，好似紅白藍、平安飽以及臉譜，真係好有創意、好特別
免費睇：穿上港式復活蛋服裝的表演者，表演精彩舞蹈，每日三場表演，每場表演約10分鐘
免費玩：免費親子手繪復活蛋工作坊，小朋友設計自己的港式復活蛋，每次工作坊為20分鐘，並需預約
買：讚好或追蹤昂坪360任何一個社交媒體專頁 (Facebook 或Instagram)，即可於360旅遊資訊中心換領$5昂坪市集商戶現金券
食：蓬萊拉麵屋多款兔兔造型美食；和記隆懷舊小食有香港懷舊美食，如雞蛋仔和格仔餅
要注意返嘅係，親子手繪復活蛋工作坊以及現金券都係先都先得，登記晒及派晒就冇。另外，因為昂坪市集係室外活動，最近天氣不穩，活動會因天氣或其他特別情況而有所更改，可以上返昂坪360網頁留意最新資訊。
————-
2. 長洲市集（好玩度：★★★★★）
放幾日假，有冇諗住去離島行下？有就啱啦，皆因長洲市集已於4月重臨，復活節期間一連四日都會搞，碼頭行過去只需約3分鐘步程，好方便。帶住小朋友又有得坐船，又可以行下市集，又可以食下長洲美食，真係一舉幾得。長洲市集有咩特別？即刻話你知。
打卡位：長洲打卡位多到不能盡錄，當然市集是其中之一
親子玩：親子DIY工作坊，檔主現埸教學，大家可以體驗一下手工製作既樂趣，大人細路一樣有得玩
（詳情：https://www.facebook.com/ccxmarket/photos/pcb.558297467996995/558297357997006/?type=3&theater）
買：大量手工製作及原創產品，包括玻璃擺設、首飾、餐具及衣飾等本地手工
食：長洲限定本地手工啤酒、粉紅色琥珀糖、大魚蛋、芒果糯米糍、炸雪糕⋯⋯
要注意嘅，都係嗰句，因為係室外活動，天氣情況真係最重要，所以出發前記住留意天氣狀況。
詳情：https://www.facebook.com/ccxmarket/
————
3. 復活節親子逛墟市（好玩度：★★★）
復活節期間都有幾多市集，石硤尾偉智街遊樂場喺4月20日至4月21日，會舉辦復活墟，多個熟食檔及兒童主題攤檔俾一家大細去行下。
打卡位：墟市打張卡，感受下氣氛
親子玩：兒童粉彩手指畫、手作布偶、親子版印工作坊等
食：超過60款特色美食，包括酥炸海鮮餅、蠔餅、大阪燒⋯⋯
詳情：https://www.facebook.com/631639237020187/photos/a.632025053648272/1099526436898129/?type=3&theater
————–
【商場活動】
4. 創意彩蛋科學基地（好玩度：★★★★）
由即日起至4月28日，MCP CENTRAL的「創意彩蛋科學基地」都會開放俾大家玩，不過唔係全部都係免費，有啲要消費滿$500以上先可以參加，而當中有兩個活動，只需讚好「MCP新都城中心」Facebook或Instagram專頁就可以玩，包括「VR小太空人星際穿梭」及反轉「蛋」世界。另外，於4月5日至4月24日期間，商場亦有「彩虹繽紛復活嘉年華」，不過就冇註明駛唔駛消費，希望係免費有得玩。
打卡位：「巨型積木復活兔」拍攝區，特設1.5米高巨型積木復活兔俾大家打卡
免費玩：「創意彩蛋科學基地」嘅「VR小太空人星際穿梭」及反轉「蛋」世界
有得玩：大型充氣彈床、虛擬駕駛小型遙控車、砌砌積木玩樂區⋯⋯
要注意返，有啲遊戲有身高限制，好似「彩虹繽紛復活嘉年華」要身高80至140厘米小童先可以玩。
詳情：https://www.metrocityplaza.com/tc/central/events-promotions/promotions/1380
————-
5. Disney TSUM TSUM復活遊樂園（好玩度：★★★）
荃灣廣場由4月16日起至5月5日，有迪士尼TSUM TSUM主題的復活節裝置，迪士尼嘅fans一於去打卡影靚相。
打卡位：幾十隻小熊維尼、勞蘇及米奇以2米高主題裝置，兩隻8呎大巨型太陽蛋等裝置
免費玩：TSUM TSUM巨型彈珠機
買：迪士尼精品期間限定店，獨家發售多款精品
食：消費滿HK$200並首次於專櫃登記積分即送HK$20餐飲現金券
送： The Point by SHKP會員於Facebook或Instagram上載一張EGGCITING EASTER 的打卡照片並#荃灣廣場，即可免費獲贈蛋蛋立體磁石貼或蛋蛋Note Pad
要注意，每個人每次只可獲贈禮品一份，兼且數量有限，送完即止。
詳情：https://www.facebook.com/TsuenWanPlaza/
————-
6. 復活節七巧農莊拼砌樂（好玩度：★★）
始創中心由即日開始，至4月22日已經有復活節佈置，裝置入面仲有免費互動遊戲俾小朋友玩，會消費嘅家庭亦有多一個可以贏禮物嘅體感遊戲玩，包括：
打卡位：4米高巨型熱氣球裝置，背景仲會呈現不斷轉動嘅風景畫面，一家大細打卡一流
免費玩：巨型復活蛋磁石牆可以任意移動七巧板，仲可以參照電子螢幕上嘅指定七巧板圖案拼砌，又得玩又可以動腦筋
買：復活節期間消費滿HK$400，即可免費換領「復活節拼板套裝」乙件
消費玩：消費滿HK$50，即可玩體感遊戲中化身為復活兔，收集七彩繽紛復活蛋，成功闖關更有機會贏豐富禮物
體感遊戲只適用於四日假期，即4月19日至4月22日嘅下午1時至下午7時，兼且每日名額有限，先到先得，額滿即止，大家要留意返。
————-
7. 復活節 齊齊玩 齊齊食（好玩度：★★★）
復活節一連4日假期（4月19日至4月22日），Aeon指定分店有齊玩齊食節目，包括：
食：棉花糖換領、爆谷換領
玩：小丑扭氣球、彩繪畫畫手
大家要注意，唔同分店喺唔同日子舉行。而Aeon會員憑會員咭更加可以換領多一份爆谷及棉花糖。
另外，戴返個頭盔先，呢篇文主題係零入場費免費攻略。但要參加以上幾項活動，要喺嗰四日復活節假期間，於Aeon消費滿$150就可以免費參與。雖然係要消費，但Aeon係一間有超級市場嘅百貨公司，日常生活用品樣樣齊，要喺入面消費滿$150難度應該唔高，加上以上嘅活動唔駛加錢參加，所以小編都歸納Aeon呢個活動為零入場費免費攻略之一。
詳情：https://www.facebook.com/aeon.hk/photos/pcb.2393664683979070/2395284503817088/?type=3&theater
＝＝＝＝＝＝＝
雅虎於本頁中的角色只是為你提供資訊及商戶連結，而並非買賣一方或其代表或代理。所有資料根據連結內商戶直接提供為準，商戶並可能隨時更改。所有買賣均由用戶及商戶雙方自行負責。
「Yahoo著數」現已推出，我哋將會為你搜羅每日超市情報，話你知最新購買飲食嘅著數消息、免費或折扣優惠，幫你慳錢慳時間。
想知仲有咩最筍嘅優惠著數？快啲禁入嚟睇下啦！：https://yjetso.myguide.hk
歡迎提供優惠情報，情報一經採用，將有機會免費獲得Yahoo購物券乙張。快啲同我哋一齊搜羅全港優惠著數喇！
