雅虎香港新聞 【愛情價值觀】男嘉賓講得唔啱聽 張雨綺出口又出手
「星女郎」張雨綺，上月中秋節當晚，傳出同老公袁巴元發生衝突（相關新聞：
），最後兩人搞到要離婚收場（相關新聞：
）。
雖然自認睇男人欠眼光（相關新聞：
），不過張雨綺喺佢主持嘅大陸節目《心動的信號》中，就表現出佢強勢嘅一面，事緣當現場其中一個男嘉賓，講出自己對愛情嘅價值觀時，認為唔啱聽嘅張雨綺就表現得好強硬，除咗勁睥男嘉賓外，仲忍唔住係眾目睽睽下攞嘢丟人添。
話說剛播出嘅第7期《心動的信號》，當男嘉賓姜振宇講到自己愛情上嘅價值觀時，佢認為男、女係平等嘅，而當佢講到女仔如果要過生日時，「就（隨便）過吧」嘅時候，張雨綺一聽到，即時將手上攞住嗰枝筆丟向姜振宇，而被丟嘅佢亦表現得好意外，但就回咗句「謝謝」。
搞咗一輪，張兩綺就再問姜振宇：「你覺得儀式感不重要，那我問你，結婚辦婚禮嗎？」姜就話要辦，張雨綺就即時問佢點解，點知姜竟然答：「婚禮是給親戚朋友辦的。」佢講完呢句之後，全場就靜晒，而本來對住佢已火火哋張雨綺，忍唔住向佢發炮話：「那是你的感受吧，但是你不知道，對於一個女孩子來說，要穿上婚紗、要蓋上紅蓋頭…把這個女孩子送出去、嫁出去，這對女生來說是一個非常大的事情。」張雨綺邊講邊郁晒手咁，睇得出佢當刻真係好激動。
而呢位心口有個勇字嘅姜振宇，喺呢個時問仲未捨得收口，話自己理想嘅婚禮只係得兩個人，仲話中國婚禮最唔高興同最攰嘅，就係結婚嗰兩個人，而張雨綺聽完後就話：「他如果說他有這種感受的話，我覺得他並沒有很愛這個新娘子。」之後姜再反駁，而張雨綺則冇佢咁好氣，反晒眼唔理佢。
精選娛聞，喺晒《娛果》
