【成為杜太】沈卓盈2.16布吉行禮 老公自彈《小幸運》兼安排放煙花

蘋果動新聞

昨日《蘋果》踢爆34歲沈卓盈和從事內衣生意的男友Calvin於2月在布吉秘婚,她今日身穿背心及運動褲出席活動!

講到昨日貼出婚照,轉頭被踢爆已婚,沈卓盈解釋:「其實想留番今日白色情人節報喜,但係點知……不過唔緊要,都係開心事,總之成個wedding都喺布吉進行,結婚想低調進行,冇諗過大搞,宴請只係家人、兄弟姊妹,姊妹都係識於微時,包括六位,何傲兒、徐淑敏、陳自瑤、何傲芝、黃芳雯同髮型師好友。」

問急於結婚是否雙喜臨門,沈卓盈否認懷孕:「你見我咁fit、咁健康就知唔係喇,我個人比較傳統啲。」沈卓盈指在布吉有接新娘環節,一班姊妹整蠱兄弟,準備了有蟲的茶,她說:「最初佢哋都唔肯飲,最後都屈服咗,順利過關,佢(老公)有講愛的宣言,同埋畀咗好多驚喜我,放煙花同天燈,最感動係佢為我彈琴,彈咗一首《小幸運》,本身佢唔識彈琴,但佢專登去學,之前覺得奇怪,約佢食飯都話唔得閒,原來秘密『練兵』,成晚望住佢嘅表演,真係好冧、好感動。」

她今日身穿背心及運動褲出席活動。(攝影:陳慧安)
她今日身穿背心及運動褲出席活動。(攝影:陳慧安)
沈卓盈於2月16號在布吉舉行婚禮。
沈卓盈於2月16號在布吉舉行婚禮。
沈卓盈做豬年新娘,手戴6對龍鳳鈪及一條金豬頸鏈寓意開枝散葉。
沈卓盈做豬年新娘,手戴6對龍鳳鈪及一條金豬頸鏈寓意開枝散葉。
沈卓盈稱老公為她製造不少驚喜。
沈卓盈稱老公為她製造不少驚喜。
沈卓盈指當日有接新娘環節。
沈卓盈指當日有接新娘環節。
(沈卓盈IG圖片)
(沈卓盈IG圖片)

 

你可能還想看