【打擊黃牛黨】鄭中基贊成立例:加重刑罰或者刑事化係好事

不少當紅歌手都是「黃牛黨」炒賣門對象。
不少當紅歌手都是「黃牛黨」炒賣門對象。

當紅歌手、藝人在紅館開騷,向來都是「黃牛黨」炒賣門票對象,像今年7月黃子華舉行嘅棟篤笑騷《金盤o浪口》、劉德華、張學友、鄭秀文,或是海外歌手組合林俊傑、五月天等,門票都慣性被炒賣,劉德華於下月15日起舉行的紅館跨年演唱會,門票本來於今年9月4日公開發售,最後卻因為8月26日凌晨,有歌迷排隊時被刀手斬傷,最後所有門票取消以排隊方式出售。而同類斬人事件,亦發生在新加坡歌手林俊傑身上,有歌迷在排隊購票時遭追斬。

就上述問題,政府向立法會提交文件回應社會訴求,考慮以多種法例上和行政上措施打擊「炒黃牛」活動,當中包括建議減少內部認購比率、以實名制購票,以及將紅館、伊館等熱門的政府場地,納入《公眾娛樂場所條例》,如日後炒賣紅館門票,將會觸犯法律。

去年在紅館舉行個唱,同樣掀起「搶飛潮」嘅鄭中基,明年2月將會再踏紅館舞台,對於打擊「黃牛黨」問題,他認為政府一定要插手。鄭中基接受《蘋果》訪問表示:「我覺得政府一定要理啦!如果唔理,條例唔會改。加重刑罰或者刑事化係好事,希望少啲炒(門票),唔炒就最好啦,同埋打擊下排隊黨,保障公眾安全,希望香港人個個可以買正價演唱會門票。」

明年舉行入行20周年演唱會嘅容祖兒,同樣係「黃牛黨」目標,佢話:「為咗杜絕有咁嘅可能性,政府如有咁嘅法例,可保障歌迷金錢損失同人身安全,都係一個非常好嘅新方案。」英皇方面亦都話,英皇作為演唱會主辦機構,當然希望政府能夠盡快制定有效率嘅條例,幫助遏止炒黃牛呢種歪風,但重要係必須聆聽業界實際操作要求,平衡各方利益。

鄭中基即將在紅館開騷。
鄭中基即將在紅館開騷。
黃子華今年七7月的Talk騷,門票一度被狂炒。
黃子華今年七7月的Talk騷,門票一度被狂炒。
劉德華之前為政府拍片,呼籲大家不要買黃牛及不明來歷門票。
劉德華之前為政府拍片,呼籲大家不要買黃牛及不明來歷門票。