【收藏物有所值】何超瓊試過「未有錢」 慳住買細碼珠寶

賭王何鴻燊千金何超瓊（Pansy）、郭志怡、何明懿與阮偉文等，今天於灣仔出席珠寶設計師王幼倫（Michelle）的珠寶藝術紀念畫冊發佈酒會，畫冊載有Michelle珠寶品牌過去20年所設計的精美作品。

Pansy戴上Michelle設計的巨型鑽石心口針現身，閃耀全場，她笑說：「平時唔戴珠寶，只係戴佢（Michelle）嘅，都會買嚟收藏，佢嘅設計好靚，好啱心水。知佢講明冇價減，但物有所值，所以唔需要講價，好鍾意就買。」問到她是否很多珠寶收藏？Pansy說：「好耐之前已經有收藏，以前未有錢就買啲細啲……」聽到Pansy這樣說，大家不禁笑問「未有錢」是何時的事？Pansy即笑笑口未有回答。問Pansy有否買珠寶送給媽咪？身旁的Michelle即大讚Pansy孝順，Pansy則說：「都有，不過好難買畀佢，佢有自己見解，世上數一數二嘅（都有），冇嘢可以買畀佢。」問到何太的珠寶珍藏是否可以作展覽？Pansy風趣說：「我學咗佢，將啲嘢收埋晒。」

另外，Michelle一家人到場支持，她指畫冊籌備了兩年，當中的困難在於要向買了珠寶的客人借回珍品拍攝，她說：「20年過得好快，今次要借返200幾件珠寶，好多點滴都會懷念，就好似我哋係全世界第3個會用鈦金屬，當時仲要全人手製作，回想番科技真係發展得好快，啲工藝師真係有血有汗。」問到會否將珠寶生意傳承給子女？Michelle說：「暫時冇諗，由佢哋做自己嘢，我唔參與意見，有個女鍾意設計，畫畫幾好，而家會先將領賢（Michelle創辦的慈善機構）承傳下一代，希望慈善方面可以接捧。」