【新一輪電視大戰】兩台同日出新劇《刑偵日記》《大叔的愛》大家想睇邊套多啲?

·3 分鐘文章
《刑偵日記》vs.《大叔的愛》
《刑偵日記》vs.《大叔的愛》

近月TVB同ViuTV電視大戰愈演激烈,自從曾志偉同王祖藍回巢救亡,推出綜藝節目與ViuTV對撼,早前佢哋仲試過同日同時段分別推出查案綜藝節目《嫌疑事件簿》和《死因有可疑》。去到今日就輪到劇集大戰,TVB同ViuTV不約而同推出新劇《刑偵日記》和《大叔的愛》,唔知大家又會想睇邊套多啲呢?

《刑偵日記》以人格解離症為題材,搵嚟兩屆視帝王浩信、惠英红、姜皓文、袁偉豪、黄智雯、黎諾懿、王敏奕及陳煒等人主演,劇情圍繞唔同嘅心理及精神病患者,例如惠英紅飾演精神病康復者、王浩信飾演多重人格患者、姜皓文就飾演患有有燥鬱症嘅警察等等。劇集題材大膽,加上雲集多位好戲之人大鬥演技,絕對係誠意之作。聽落好似好有氣勢,而一班網民亦都表示非常期待,紛紛留言話:「值得睇, 演員有實力有演技」、「惠英紅王浩信好戲唔洗講,估唔到袁偉豪今次都演得咁好,仲有果個係精神病院成日騷擾阿妹果個女仔,都好好戲」、「這劇太好看,配樂和所有演員都很欣賞,特別最愛浩信紅姐爆發演出!」及「這部劇真的好燒腦,算是今年最好的劇了」等等。

至於ViuTV方面,今晚就會播出由MIRROR成員Edan(呂爵安)、Anson Lo(盧瀚霆)及黃德斌主演嘅港版同性愛情喜劇《大叔的愛》,劇情主要講述地產代理田一雄(Edan飾)被上司翟國強KK(黃德斌飾)及同事凌少牧追求,展開一段辦公室三角hehe戀。BL題材劇集雖然喺其他地方已經拍咗唔少,不過香港就真係非常少有,相信唔少觀眾都會感到好有新鮮感。另外,劇集有三位人氣男團MIRROR成員(Edan、Anson Lo和Stanley),除咗一班鏡粉,唔少網民已經揚言一定會捧場,紛紛留言話:「未試過會期待黄德斌嘅劇,平時有佢就=悶 題材同突破真係好重要」、「好耐冇試過期待一套港劇播放喇 一定要睇~」、「準備三個禮拜準時安坐家中」及「日版已經覺得好好睇,終於等到有港版,非常期待」等等,唔知《大叔的愛》有冇機會打破ViuTV嘅最高收視呢?

《大叔的愛》劇照
《大叔的愛》劇照
《大叔的愛》劇照
《大叔的愛》劇照
《大叔的愛》劇照
《大叔的愛》劇照
《刑偵日記》劇照
《刑偵日記》劇照
《刑偵日記》劇照
《刑偵日記》劇照
《刑偵日記》劇照
《刑偵日記》劇照

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能