【施政報告點評】設投資管理公司搶人才 似港版淡馬錫？學者：新加坡配套更完善

施政報告公布政府將成立「香港投資管理有限公司」，撥300億元設立「共同投資基金」，引進及投資落戶香港的企業，被外界形容為「港版淡馬錫」。行政長官李家超期望這政策與「搶人才」和「搶企業」政策相輔相成。有學者指出，香港與新加坡的最大差異是市民對政府的信任度，公眾或憂慮有關基金向中資項目傾斜，為「搶人才」而設的退還印花稅政策也予人只優惠內地人之感；學者質疑本港整體配套不及新加坡完善，加上防疫政策的制肘，「搶人才」難上加難。

文字記者：盧珮瑤

香港投資管理有限公司擬把2016年成立的「未來基金」下設立的「香港增長組合」、「大灣區投資基金」、「策略性創科基金」以及「共同投資基金」集中管理，由政府主導投資策略產業，以吸引和有助更多企業在港發展。李家超形容此乃破格決定，亦指政府會謹慎挑選企業投資，財政司長具有主導權確保對香港整體有利。

淡馬錫運作不受政府干預

臻享顧問有限公司董事總經理王良享指出，淡馬錫於1974年成立，當時資產僅3.5億新加坡幣，現時香港則投資300億元，所涉資產相當巨大。王認為，香港宜留意淡馬錫的運作模式，「佢同獨立公司無分別，政府唔會干預公司嘅行政，亦都唔會擔保呢間公司嘅法債，政府當然可以派董事入去，但去到政府有啲項目想投，都要睇返公司行政嘅人去決定」。

王指，淡馬錫現時的投資項目，只有27%屬新加坡當地公司，其餘超過七成投資散佈世界各地；淡馬錫至今坐擁4,030億資產，年均複合增長率（CAGR）超過14%。他建議香港不應只著眼本地公司，可放眼亞洲其他值得投資的項目。王亦提醒，淡馬錫成立首20年的回報率並不可觀，香港不宜操之過急，「唔好覺得而家掉300萬落去，出年就會有15%回報，呢個係無乜可能」。不過他認為，香港作為國際金融中心，有此類基金亦是好事，「反正我哋都做咗咁多年金融中心，點解唔自己大展拳腳去搞啲嘢呢？去支持返自己一啲產業呢？」

「會唔會只係投資『阿爺』想投嘅項目？」

經濟學者徐家健指，上述公司暫未有挑選投資項目的準則等詳情，故目前難與淡馬錫直接比較。不過，他認為香港與新加坡的落差，在於人民對政府的信任度。以淡馬錫為例，徐指該公司的投資項目準則亦並非很透明，「但新加坡人信得過新加坡，隔一段時間講下投資回報，大家就唔過問」。反觀香港，以往曾有性質相約的「未來基金」，當時已引起公眾疑慮，「會唔會攞去投資『一帶一路』，或者純粹係『阿爺』（中央政府）想投嘅項目，即係支持國家嘅方向」。對於有傳媒報道指上述公司首任董事為金管局的管理層，徐家健指港人對金管局一向抱持不信任態度，「成日都畀人challenge（挑戰），所以要睇最後係邊個決定投啲乜嘢」。

跟新加坡「搶人才」 學者：香港配套唔齊全

李家超亦提出一系列「搶人才」政策，重點包括鼓勵人才長遠留港，在港置業並住滿7年成為永久居民後，可獲退還印花稅。徐家健認為港府終承認人才流失，相信是受新加坡啟發而實施一連串措施。

原為美國克林信大學經濟系副教授的徐曾獲新加坡邀請到當地工作，他指當地配套非常齊全，「新加坡會請埋你太太，幫你小朋友搵埋學校，佢哋係咁樣搶人才，香港從來無呢啲配套，只係會畀高啲人工你」。徐形容退還印花稅的措施「唔係壞事」，但或會令市民觀感較差，「你做得有技巧啲，就係點樣去平衡返，唔好畀人覺得你係為咗托樓市，或者只係優惠外面、甚至主要係內地嘅人」。

徐強調，「搶人才」前提是令人願意在港工作，「咁你首先唔好趕啲人走先，唔好令到個環境做嘢做得唔開心，而家最大問題係個防疫措施好趕客」。即使現已實施「0+3」，外地來港人士仍要不斷做檢測，又擔心確診後被送到隔離設施，「一連串嘅嘢都同世界唔接軌，令外地人會覺得嚟到好唔自由」。