【星Easy】有仔趁嫩生 Coffee(下):「半年後就開工追多個!」

蘋果動新聞

Baby Chak才兩個多星期大,Coffee說雖然又忙又累,餵飽兒子掃完風聽到「Er」一聲,就覺得一刻值千金甚麼都值得。全副心機都放在兒子身上,原來Coffee還是有心機籌劃下一胎:「要生就趁早,加上老爺奶奶年紀大,都想俾佢哋早啲兒孫滿堂開心吓,我諗好啦,半年之後就會開工追多個。我諗對小朋友都係一種好處,有個年紀相若嘅弟弟或者妹妹一齊成長,有個伴一齊玩、有人分擔又會學識分享,同埋大人亦都自然唔會過度集中資源同注意力縱壞小朋友!」

image1
image1


趕工追B所以更加要坐月!

身為瑜珈導師、產前係個最強孕婦,Coffee自稱鬼妹仔性格,從來不覺得孕婦需要過度保護,不過說到產後保養,Coffee則認同有些中國人傳統智慧唔到你唔信:「首先一樣嘢,請陪月都唔平,佢嘅職責係照顧好產後媽媽,我唔跟佢嗰套咪好浪費?再講,身邊都有好多例子,第一胎冇坐好月,身體的確元氣大傷,第二胎都陀得辛苦。真係有根據架,生前身體為咗令你方便生育,係會產生鬆弛素自動調節身體所有關節同盤骨。產後真係需要一個過程慢慢調理番好佢,我就真係試過生完太熱開冷氣又開風扇瞓,半夜震到標晒冷汗……講開又講,我份人好捱得苦又記性差,我成日話自己陀得好舒服,係老公提我,其實呢個過程我都辛苦過,不過捱過咗就乜都唔記得啫!」

image4
image4


做媽媽後更要對媽媽寛容!

雖然囝囝還沒滿月,說甚麼教育方針還言之過早,不過一手湊大兩個如今八歲和六歲大的姪仔,Coffee早就打定主意,能力許可還是盡量會讓Baby Chak將來在國際學校就學:「呢幾年我幫兩個姪溫書做功課都試得多,最體會到一樣嘢,就係傳統教育淨係叫小朋友背默抄寫,但係唔話俾佢哋知點解要識,會唔會偏離咗學習嘅本義呢?佢依家仲細,但係我好肯定,將來我會俾佢做多啲運動,因為做運動係好好嘅發洩壓力嘅方式,識得抒緩,壓力爆煲機會都自然少過人。同埋做咗媽以後,更加知道每個人都唔係天生就識做媽咪,好多嘢我哋都係一邊做一邊學返嚟,耐性智慧都需要一個過程累積,所以當你哋面對啲苦口苦面皺晒眉嘅媽咪,唔好咁快批評別人,佢都唔想架!」

image3
image3

 

其他內容