【星Easy】李樂詩(上):三個仔三種個性 大仔最好勝要慢慢教!

蘋果動新聞

歌手李樂詩08年與圈外男友Ted成婚,婚後育有三個兒子:8歲的Maxton、6歲的Aleksander和快滿兩歲的Theodore。一口氣就生了三個,三個都係仔,想像得到這個家有多熱鬧、這個媽媽有多忙碌。你以為孻仔孻心肝,仲唔係圍住Theodore團團轉錫到燶?原來三個仔性格各異,反而是Theo觀察兩個哥哥日常,吸收能力最強最獨立,還是個會照顧媽媽的小管家!

估你唔到 對孻仔最內疚
唔好以為家有三個仔,李樂詩就一定是熟手技工,湊仔、學業、生活日常手到拿來,其實每個兒子性格不一樣,需要也就不一樣,三個兒子的媽媽Joyce也會有忙不過來的時候:「我嘅性格好輕鬆,依家又有好多網上資訊同媽媽group可以交流意見,所以就算係生第一胎時,都不緊張,慢慢學囉!但係三個仔,真係對第一個用最多心神、最緊張,食啲咩、瞓得好唔好、報學校又一早準備好晒……到咗最細呢個,兩歲都嚟緊,先至收到學校電話,問我報咗K1未,原來已經截止咗我都唔知……生三個,係會越來越放鬆,到咗Theo,真係放鬆過頭!不過呢個仔反而係三個當中最獨立一個,觀察能力強、識得望住兩個哥哥做榜樣,同埋好有手尾、好識照顧人,鍾意餵我食嘢、鍾意幫我吹頭,好sweet,係屋企小管家。」

image1
image1
image2
image2
image3
image3

遇到困難 先讓孩子自己解決
Theo獨立又有兩個哥哥做榜樣,二仔Aleksander就係Social王,頭腦靈活朋友多多,而8歲的長子Maxton好勝、情緒又容易起伏,最需要媽媽關注:「Max舊年同我提過坐校巴冇人肯同佢坐,好唔開心講到喊,我都同佢講要試吓自己解決問題先……到咗今年依然冇改善,我就同其他家長同校巴保姆了解過,原來係一次生日Party,Max做唔到第一個玩就喊,搞到其他小朋友有啲怕怕。我唔係嗰啲要小朋友攞第一嘅媽咪,但係呢個仔好好勝,樣樣都想做第一,所以我會成日同佢講,冇人可以永遠做贏嗰個、每個人都會犯錯,媽媽都會。Max鍾意運動,我又會畀佢睇多啲人哋嘅故事,話畀佢知一個網球手一場波背後一定係輸過好多次。做錯唔緊要,今次學習,下次做得更好令自己更強壯;輸咗冇所謂喎,想攞第一,就練習多啲,下次再嚟囉!」

image4
image4
image5
image5
image6
image6

預告:李樂詩的另一半來自夏威夷,所以爸爸愛水上活動,全家也跟著一起都愛水上活動。李樂詩說,老公喜歡帶著兒子玩水,還因為游泳的時候不管大人小孩,視線平線一樣高一樣大,沒有距離就是最好的溝通環境。

 

▸【星Easy】梁芷珊(上):獨女是GCSE狀元 找對方法就能不勞而獲!http://bit.ly/2IAhv5U
▸【星Easy】梁芷珊(下):「才女」身份令女兒有壓力!http://bit.ly/2OwLm4P
▸【星Easy】林盛斌Bob(上):由朝做到晚 為搵食錯過咗仔女成長!http://bit.ly/2OS59IS
▸【星Easy】林盛斌Bob(下):拒事事幫仔女解決 父母係後盾唔係衝鋒隊!http://bit.ly/2IxtHnX
▸【星Easy】劉小慧(上):大女志願做甜品師 搵到自己條路鄧佢開心!http://bit.ly/2MKa5xy
▸【星Easy】劉小慧(下):細女讀名校爆喊 響呢個警號決定轉校!http://bit.ly/2plnFOm

 

想知更多育兒資訊 請留意Easy Pama

其他內容