【曾志偉大改革】點算《勁歌金曲》歷年主持 蔡楓華深入民心 胡楓同呢位影后都做過?

·3 分鐘文章
點算《勁歌金曲》歷年主持 蔡楓華深入民心 胡楓同呢位影后都做過?
點算《勁歌金曲》歷年主持 蔡楓華深入民心 胡楓同呢位影后都做過?

曾志偉成為TVB高層之後大力改革綜藝節目,並且同三大唱片公司破冰,音樂節目理想當然要大搞,於是4月起《流行經典50年》暫停,而本來安排深夜播放嘅《勁歌金曲》就掉返去星期日黃金時段,並會由Eric Kwok、糖妹及環球歌手涂毓麟做主持。

播放接近40年嘅《勁歌》,近年喺余詠珊執掌綜藝揸fit人嘅時代,淪為星夢幫宣傳陣地,其實節目曾經風光過,第一任主持仲係當時得令嘅蔡楓華!

蔡楓華

點算《勁歌金曲》歷年主持 蔡楓華深入民心 胡楓同呢位影后都做過?
點算《勁歌金曲》歷年主持 蔡楓華深入民心 胡楓同呢位影后都做過?

蔡楓華係《勁歌金曲》第一任主持,亦可以話係《勁歌》最具代表性嘅主持,但係佢喺《勁歌》季選寄語張國榮「一剎那光輝唔代表永恆」備受批評,之後直情被飛出節目。蔡楓華幾年前喺演唱會上自爆,本來係麗的電視(亞視前身)藝人,當時人氣上升,後來曾勵珍邀請佢過檔無綫主持《勁歌金曲》。蔡楓華自嘲如果繼續喺麗的拍劇,就唔會有失言事件。

點算《勁歌金曲》歷年主持 蔡楓華深入民心 胡楓同呢位影后都做過?
點算《勁歌金曲》歷年主持 蔡楓華深入民心 胡楓同呢位影后都做過?

胡楓

點算《勁歌金曲》歷年主持 蔡楓華深入民心 胡楓同呢位影后都做過?
點算《勁歌金曲》歷年主持 蔡楓華深入民心 胡楓同呢位影后都做過?

修哥主持過《流行經典50年》,就連當時係年青人節目嘅《勁歌》都有佢份。1989年嘅《勁歌》主持陣容幾特別,有周慧敏、雷宇揚、李麗蕊、林敏驄、盧敏儀同修哥,有偶像有上位中主持人亦有電台DJ,擺明針對年青人口味。而修哥就負責《歡樂今宵》時段內嘅《勁歌》環節,季選都會有佢份做司儀,當時已經57歲嘅修哥可能係歷來最年長《勁歌》主持。

袁詠儀

點算《勁歌金曲》歷年主持 蔡楓華深入民心 胡楓同呢位影后都做過?
點算《勁歌金曲》歷年主持 蔡楓華深入民心 胡楓同呢位影后都做過?

《勁歌》主持都可謂巨星搖籃,當選港姐冇耐嘅靚靚喺1991年都曾經主持過,仲要係拍住經驗豐富嘅林姍姍同雷宇揚。當時袁詠儀只係拍過處境劇《我愛玫瑰園》,但係做主持已經見到轉數快同執生技巧,不過只係做咗一段短時間就重投拍劇行列,過多2年就成為影壇新貴,坐火箭咁快!

呂方、李克勤

點算《勁歌金曲》歷年主持 蔡楓華深入民心 胡楓同呢位影后都做過?
點算《勁歌金曲》歷年主持 蔡楓華深入民心 胡楓同呢位影后都做過?

2位男歌手當時事業都發展平平,但係TVB將一個重任交俾佢地,就係主持改革版《勁歌金曲》。節目有現場樂隊座陣保持音樂元素,不過加入唔少向日本台灣節目借鏡嘅綜藝環節,例如大整蠱、訪談、現場遊戲等,其中一幕經典可能係陳奕迅同謝霆鋒扮日本女團Puffy。

點算《勁歌金曲》歷年主持 蔡楓華深入民心 胡楓同呢位影后都做過?
點算《勁歌金曲》歷年主持 蔡楓華深入民心 胡楓同呢位影后都做過?

何韻詩

點算《勁歌金曲》歷年主持 蔡楓華深入民心 胡楓同呢位影后都做過?
點算《勁歌金曲》歷年主持 蔡楓華深入民心 胡楓同呢位影后都做過?

綜藝化《勁歌》做咗幾年之後再變革,重回音樂為本風格,現場直播之外,繼續有live band同歌手現場演唱,而呢一代嘅主持就係何韻詩。之後TVB亦有搵過At17拍住崔建邦主持,務求保持著重音樂嘅風格。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!