【李我出殯】羅家英送最後一程慨嘆:係全香港損失

·2 分鐘文章
【李我出殯】羅家英送最後一程慨嘆:係全香港損失
【李我出殯】羅家英送最後一程慨嘆:係全香港損失

香港廣播劇界「開山祖師」李我(原名李晚景)早前病逝,今日(2日)上午於香港殯儀館舉行儀式,多位生前好友到場送別,其遺孀蕭湘於早上約9時10分到場打點。

李我遺孀蕭湘到場。
李我遺孀蕭湘到場。

藝人胡楓稱與李我於粵語片年代已認識,唯未曾合作過,他說:「同佢好傾得埋,佢好講得笑,為人又疏爽,最欣賞佢嘅《天空小說》,仲記得當年廣州風行電台12點就開始廣播,全香港嘅收音機都會聽住佢㗎。」他指近年與對方有間中見面。

胡楓大讚對方為人疏爽。
胡楓大讚對方為人疏爽。

藝人羅家英表示10多歲時跟父親飲茶時認識李我,後來父親去世後便沒有見面,他說:「後來李我叔喺屋企開始唱曲先再見番,佢好有才華,書法寫得好,雖然應該讀書唔多,但勝在聰明同有記性,好多廣州典故同明人笑話佢都記得好清楚,係時代嘅見證,見聞又多所以出好多書。(對佢離開有冇覺得可惜?)我覺得係全香港嘅損失,不過冇辦法啦都99歲,佢係無可替代嘅,作為後輩今日嚟送佢最後一程。」他指太太汪明荃與對方不太熟稔,自己最後一次見對方已10多年前,但一直有打聽其消息。

羅家英覺得係全香港嘅損失。
羅家英覺得係全香港嘅損失。

大殮儀式於早上9時30分開始,10時30分辭靈儀式後靈柩由多位生前好友包括羅家英、胡楓、丁羽、阮兆輝、李龍等扶靈,由男孫捧着李我遺照步出靈堂,遺體隨即移送往歌連臣角火葬場火化。

男孫捧着李我遺照步出靈堂。
男孫捧着李我遺照步出靈堂。
我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能