【榮升岳母】29歲大女今日墨爾本結婚 廖安麗:我都係好平常心㗎咋

蘋果動新聞

廖安麗86年同著名攝影師葉青霖結婚之後,先後生咗大女葉懿德同葉懿恩,兩個女現年分別29歲同18歲,至10年葉青霖喺台灣出家,法號釋常霖。月前常霖法師喺一個佛教網站嘅訪談節目,都有邀請前妻廖安麗作深情對談。

近日有讀者透過《蘋果》「爆相爆片」報料,話廖安麗大女懿德同細女懿恩一直喺澳洲墨爾本居住,而大女懿德將會喺10月13日,即香港時間今日於澳洲墨爾本結婚,到時移居澳洲嘅《香港八一》「蘇小姐」梁碧玲同杜平等前無綫藝人都會到賀。

原來廖安麗一早飛咗去墨爾本為大女婚禮打點,《蘋果》連日嚟聯絡廖安麗,佢都一直忙緊,至今日記者終於同佢取得聯絡,廖安麗承認大女聽日結婚,問佢就嚟榮升岳母大人心情點樣?廖安麗話:「我都係好平常心㗎咋。」至於常霖法師會唔會出席?廖安麗話:「會。」廖安麗話呢幾日好忙,目前正忙於招呼親友食飯,所以都唔方便講咁多。

賈思樂噚晚都喺fb貼咗張大合照,見到廖安麗、常霖法師等一齊喺開餐,拎晒相機、電話出嚟,旅行氣息濃厚,相信就全係喺墨爾本,聚舊兼準備今日嘅婚禮。

廖安麗大女懿德聽日喺墨爾本結婚,常霖法師都會出席。(資料圖片/左上:facebook圖片)
廖安麗大女懿德聽日喺墨爾本結婚,常霖法師都會出席。(資料圖片/左上:facebook圖片)
早前廖安麗接受常霖法師訪問。 (網上截圖)
早前廖安麗接受常霖法師訪問。 (網上截圖)
廖安麗大女懿德同媽咪似足餅印。 (facebook圖片)
廖安麗大女懿德同媽咪似足餅印。 (facebook圖片)
懿德喺社交網貼咗同未來老公拖手相。 (facebook圖片)
懿德喺社交網貼咗同未來老公拖手相。 (facebook圖片)
葉青霖同廖安麗婚後生下懿德(右二)同懿恩(左二)。 (資料圖片)
葉青霖同廖安麗婚後生下懿德(右二)同懿恩(左二)。 (資料圖片)
賈思樂已經去咗澳洲。
賈思樂已經去咗澳洲。

其他內容