【每日一片】男女街頭為擺賣 逼走阿伯惹眾怒

on.cc 東網
兩名男女懷疑欺負擺賣阿伯,招來途人「圍攻」。(fb專頁「生於亂世」影片截圖)
兩名男女懷疑欺負擺賣阿伯,招來途人「圍攻」。(fb專頁「生於亂世」影片截圖)

深水埗街頭擺賣情況極為普遍,除了本地人,亦惹來一批新移民甚至內地人前來搵食。近日有網民拍得兩名被指內地人男女為擺賣位置,竟出手逼80多歲阿伯騰出位置,最終途人「睇唔過眼」,挺身而出,揚言會天天來「踩場」回敬他們。

片段一開始,兩名手持拖篋的男女正與拍攝者口角,而阿伯則站在旁邊,地下擺放大堆物品。拍攝者向着男女直斥:「你愈擺愈過,叫阿伯走X開,又踢阿伯啲嘢,叫阿伯走,我都係行過,睇唔過眼至出聲。」而女方不住解釋:「我有同佢(阿伯)講移開少少。」而旁邊另有一把甚為憤怒的男聲傳出:「我聽日起搵人日日落嚟踢你啲嘢!」期間女方不住點頭,而男則表現得「冇有怕」,「早啲嚟,早啲嚟踢!」對方聞言更添怒火:「你咁串,我咪搵人嚟踢囉!」

網民直指兩男女行為離譜,「蝦人已經唔啱,仲要蝦阿伯。」亦有人謂,「踩場」的男子行徑甚為「蠱惑仔」,認為「仗義每多屠狗輩,蠱惑仔都有正義!」

其他內容