【爆相爆片】Jessica C.湊大女睇迪士尼騷 超短裙長腿辣媽裝出動
「警鐘胸」Jessica C.(JC)與安志杰生了一仔一女,大女Tessa將近3歲,而細仔Elvis已有7個月大,夫婦二人分工合作,男方專注外出搵奶粉錢,而JC就主力湊小朋友,有合適工作才會接。
JC雖有了細仔,但對大女Tessa依然錫到如珠如寶,日前她帶大女去了會展睇迪士尼表演,同行還有女性朋友及一名小女孩,《蘋果》讀者胡小姐透過「爆相爆片」公開她們的親子樂,胡小姐表示:「當時大概8點左右,佢就帶住囡囡,見到佢哋嗰時係中場休息,佢個女仲一身《Frozen》入面嘅Elsa打扮。」雖然JC已是一對仔女的媽咪,但當日造型都有點「辣媽」feel,白色短裙襯黑長boots,悉心打扮,胡小姐就表示:「佢化咗妝,同着咗條好短嘅白裙。」問到胡小姐JC母女有甚麼互動交流,她表示:「佢都幾細心,不停望住囡囡,行上樓梯又叫佢小心啲,佢個女玩得好開心,又食嘢又影相。」
在片段中,JC已拎住一袋戰利品,手執水壺,更要幫囡囡影相,一時屈膝,一時企直,嘗試多角度捕捉影相,過程中,還要不斷逗Tessa露出笑容,都顯得有點手忙腳亂。