【犯罪現場：賽西爾酒店失蹤事件】Netflix藍可兒事件紀錄片熱播 全球31地區排行榜冠軍

2013年發生嘅「藍可兒事件」轟動全球，由於案件疑點重重，加上喺警方公開嘅電梯閉路電視片段中佢舉止奇怪，世界各哋網民更身化身網絡偵探，希望可以找出真相，但可惜佢嘅死因至今依然係個謎。早前Netflix將事件拍成一連四集嘅紀錄片《犯罪現場：賽西爾酒店失蹤事件》（Crime Scene: The Vanishing at The Cecil Hotel），除咗有未公開細節之外，節目仲邀請相關人士，例如警察、住客及酒店職員做訪問。呢個紀錄片以藍可兒懸案作為主題，並於2月10日全球Netflix上架，當然引起全球關注啦，喺全球31個國家及地區嘅排行榜登上冠軍位置。

當時只有21歲嘅加拿大籍華裔女學生藍可兒（Elisa Lam），一個人前往美國洛杉磯旅遊，並於1月26日入住賽西爾酒店（Cecil Hotel），但於1月31日喺酒店離奇失蹤。之後當地警方開始調查及公開藍可兒喺電梯閉路電視片段。片段中佢做出一系列詭異舉動，例如按所有樓層嘅按鈕及喺電梯門口手舞足蹈。之後有住客投訴水壓過低及水有臭味，維修人員於2月19日喺酒店嘅天台水缸發現其全裸屍體。藍可兒嘅死亡地點相當令人百思不得其解，但後來警方斷定佢係意外死亡，結果令外界感到十分意外，所以成為一件經典懸疑事件。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！