【狗仔出更】陳七離開波地變身湊仔公 帶囝囝去嘉年華顯父愛

蘋果動新聞
(採訪、攝影:徐錦池)
(採訪、攝影:徐錦池)

現年33歲、效力香港飛馬嘅香港足球員陳肇麒(陳七),早年事業順風順水,可惜當時年少氣盛,最終因為緋聞太多,令陳七呢個名由體育版變咗喺娛樂版,他更因為被爆背女友、前組合MVG成員劉雅婷(Toby)拖女上酒店,以及經常當街吸煙,被當時效力嘅南華球會老闆羅傑承,指佢嚴重破壞球隊形象而怒炒佢魷魚,唔少廣告商都要同佢解約。

不過,人係要有經歷先會長大嘅,陳七14年成功o氹番Toby後,Toby喺16年幫佢生咗個仔,而陳七做咗老竇後,生活都有咗好大改變,經常都影到佢陪Toby同囝囝一齊出街。而陳七做湊仔公都似乎有一手,日前《蘋果》就喺中環見到佢帶埋囝囝,同埋6、7位親友去嘉年華玩,雖然同行唔見Toby,但陳七自己一個照顧囝囝,似乎對佢嚟講冇乜難度,全程用佢壯闊嘅手臂抱住個仔四圍行,完全唔使身邊嘅朋友幫手。

嗰日大約下午4點幾,陳七抱住囝囝喺嘉年華場內周圍巡,估計佢初初想同囝囝玩吓機動遊戲,因為見佢曾經同囝囝度高,無奈囝囝只有兩歲幾,根本唔夠高玩,結果父子就去咗玩攤位遊戲,陳七囝囝贏到玩具時,仲一度高舉雙手,似乎比囝囝更加興奮,而佢嗰日雖然有推埋囝囝架BB車入場,但見佢大多時間都係抱住囝囝,好似唔捨得放佢落地咁,就算放囝囝落地企一陣,視線都一直唔會離開,果然係個稱職爸爸。

陳七當日大部份時間都抱住囝囝。
陳七當日大部份時間都抱住囝囝。
囝囝唔夠高玩機動遊機,陳七就同佢玩攤位遊戲贏玩具。
囝囝唔夠高玩機動遊機,陳七就同佢玩攤位遊戲贏玩具。
囝囝一落地,陳七即刻拖到實。
囝囝一落地,陳七即刻拖到實。
經歷「偷食」事件,陳七14年向Toby求婚成功。
經歷「偷食」事件,陳七14年向Toby求婚成功。

 

你可能還想看