【珠光寶氣】梅艷芳遺產撥款20幾萬擺壽酒 95歲梅媽收金壽桃金觀音

網上圖片
網上圖片

梅艷芳母親覃美金昨晚在尖沙嘴擺壽宴,大排筵席慶祝95歲生日,有網民在社交網晒壽宴相,着旗袍的梅媽一身貴氣,戴了珠鏈、耳環、玉戒指、手鏈、手鈪,還收到幾個金壽桃和金觀音做禮物,壽星梅媽笑得好開心。上月律師代表梅媽出庭,向法庭申請從梅艷芳遺產信託中,撥款20多萬元作擺壽酒之用,法官同意批出約25萬元壽宴費。

有賓客在網上晒相片和短片,見到88歲黃夏蕙都有份出席壽宴,還拖着梅媽的雙手跳舞,兩位老人家雖然加埋183歲,但又扭又跳又轉圈,身體好硬朗,夏蕙姨更上台高歌《禪院鐘聲》助慶,有親友上前握着梅媽手送祝福,之後眾人齊齊唱生日歌,年邁的梅媽一面感動。

《蘋果》致電梅媽恭祝生日快樂,問到有甚麼願望?梅媽說:「多謝,梗係世界和平最好啦,大家都好,係咪?」梅媽透露正日生日是三月初十,問到昨晚擺幾多圍?梅媽說:「20幾圍囉。」收到好多金桃和金觀音?她笑說:「你又知,嘻嘻!」最鍾意哪份禮物?梅媽表示:「樣樣都鍾意,人哋送得出嚟,樣樣都鍾意啦。」問到是否玩得好開心?她說:「好開心,多謝你。」再問壽宴花了幾多錢?梅媽只說:「幾多錢都使咗啦。」是否兒子啟明埋單?她避答:「邊個埋單就埋咗啦,有乜好講唧。」

親友緊握梅媽的手祝賀(網上圖片)
親友緊握梅媽的手祝賀(網上圖片)
跟黃夏蕙跳舞(網上短片截圖)
跟黃夏蕙跳舞(網上短片截圖)
齊唱生日歌賀梅媽(網上圖片)
齊唱生日歌賀梅媽(網上圖片)
收到好多金壽桃和金觀音(網上圖片)
收到好多金壽桃和金觀音(網上圖片)
梅媽一面感動(網上圖片)
梅媽一面感動(網上圖片)
一身貴氣(網上圖片)
一身貴氣(網上圖片)

 

你可能還想看