雅虎香港新聞 【疫情奇聞】以色列老婦用漂白水＋微波爐為銀紙消毒 約2.5萬港紙全燒焦！
疫情令大家更重視消毒這一環，除了消毒雙手、電話、衣服之外，以色列一名74歲婦人索性幫紙幣消毒！她將紙幣放入裝有漂白水的碗中，再放入微波爐加熱消毒，不久就傳出陣陣燒焦味，結果全部紙幣燒焦，有些甚至成了灰，焚毀了至少1萬謝克爾（約2.5萬港幣）的現金。不過好彩以色列央行願意補償她相同金額的紙鈔，否則真係「見財化灰」！
根據外媒報道，呢位婦人是大廈社區管理委員，負責整棟大樓的財務。有一日她收到超過1萬謝克爾的管理費，但她聽說紙幣可能是新冠傳播的途徑，於是決定為銀紙消毒，結果釀成今次事件。她表示：「我覺得好內疚，因為呢啲錢唔係屬於我，我真係太蠢了。我好願意賠償，但我現在只係靠微薄養老金過活，根本不足以支付。」於是迫於無奈之下，只好向銀行求助。
幸好以色列央行衡量了情況後，允許她兌換所有燒焦的紙幣，而婦人亦承諾以後不會再犯。以色列銀行亦提醒公眾，新冠病毒不是通過紙鈔或硬幣來傳播的，而且以色列的紙幣含有可以在微波爐中點燃的鐵絲，呼籲大家不要用微波爐加熱！
___________________
按此下載全新Yahoo APP，緊貼城中好去處、Staycation攻略、行山路線、野餐地點推介，仲有新人禮等你拎，立即下載！
___________________
以色列銀行亦提醒公眾，以色列的紙幣含有可以在微波爐中點燃的鐵絲，呼籲大家不要用微波爐加熱！
更多相關文章
美國肯德基員工上年無請過假 年底竟獲近港幣八萬全勤獎金？
