【真‧識揀？】勸黃德斌避去街巿 方中信：佢揀個荷李活巨星嚟扑

方中信今晚在尖沙嘴出席香港電影導演會30周年晚宴暨年度頒獎典禮時，提到周潤發日前拍攝電影《驕陽歲月》時發生意外，遭黃德斌誤傷左額側，頓時血流披面，最後發哥的傷口要縫5針，方中信指自己當時也在場，他坦言看到發哥「爆缸」一刻時覺得有異樣，他說：「都覺得奇怪㗎喇，點解啲血漿咁淺色，因為本身啲血漿係好深色㗎嘛！」

方中信又笑言黃德斌識揀人來扑：「扑我咪好地地囉，可以食兩餐飯就算數，佢識得揀個荷李活巨星嚟扑，所以我都叫佢近排都係唔好去街巿，因為我早排去街巿，菜檔啲人都問我，發哥有冇事，係咪真係跌穿咗個頭流血，發哥縫完針都即刻開工㗎喇。當時發哥諗住去政府醫院嘅，因為好近，但我哋就同發哥講，你如果去政府醫院一定要剃頭㗎喎，又有記者，不如去私家醫院啦，最後去到私家醫院啲護士，就只係『係咁意』同佢剃咗一撮。」

至於蔡卓妍（Sa）今屆有份角逐金像獎最佳女主角，今日是否打算拉票？她說：「上次《雛妓》又唔見拉到，咁老套，呢啲嘢好難講出口，惟有叫人睇我套戲，好過叫人投票俾我。但真係好難講有冇信心，每屆評審都有自己喜好。」阿Sa又透露未選好戰衣，現時每日有健身，希望保持超好狀態。

另外，鮑起靜早前去了英國兩個月，探女兒和孫兒，不過因為當地天氣寒冷凍，只得零下4度，所以鮑姐病倒了，她說：「唔知係咪因為食藥食得太多，食到嘔，原來食得藥多都會中毒，所以最後搞到兩、三個禮拜先至好番。」