【約鍾舒漫露營訴心事 】面對舊愛講到喊 吳浩康唔排除翻撻可能

(左圖)攝影:黃曉妍、網上截圖
(左圖)攝影:黃曉妍、網上截圖

吳浩康、港姐冠軍陳曉華、亞軍鄧卓殷、友誼小姐陳靜堯同胡楓今日喺機場出席長者茶聚活動,同場仲有羅寶文同爸爸羅旭瑞及羅老太羅杜莉君。提到同長者相處,曾經係實習護士嘅陳曉華就表示探訪老人院時,婆婆細說愛情史令佢印象深刻,「由初戀到拍拖,然後結婚生仔,都係圍繞佢老公,好sweet,婆婆仲笑得好甜,我都好羨慕。」

吳浩康早前約咗舊愛鍾舒漫去大帽山露營,當中兩人細訴心事,並將片段放上網,吳浩康話:「其實係我一個節目,第一集搵佢做嘉賓係因為我哋會多嘢傾,佢又鍾意大自然,我哋睇番條片都好感動,好少抽身用第3身角度睇自己同另一個人嘅相處。」傾完之後,愛嘅感覺有冇返嚟?佢話:「好多以前嘅畫面會記得番。(有冇消除芥蒂?)坦白講,喺呢段關係上,我有咩資格有芥蒂,希望佢心裏面有嘢放得低。」會唔會翻撻鍾舒漫?現時係單身嘅佢就話:「never say never,呢個唔係單一方面,如果真係有機會,一定係我做主動。」

吳浩康為咗自己個節目,約舊愛鍾舒漫去露營(網上截圖)
吳浩康為咗自己個節目,約舊愛鍾舒漫去露營(網上截圖)
兩人傾偈時,吳浩康仲忍唔住喊(網上截圖)
兩人傾偈時,吳浩康仲忍唔住喊(網上截圖)
吳浩康話若然有機會,一定會做主動追翻鍾舒漫
吳浩康話若然有機會,一定會做主動追翻鍾舒漫
鄧卓殷、陳曉華同陳靜堯今日出席長者茶聚活動
鄧卓殷、陳曉華同陳靜堯今日出席長者茶聚活動