【網傳影咗婚紗相】小王子生父係周星馳? 張栢芝工作室闢謠:假的

網傳「小王子」生父係星爺(網上圖片)
網傳「小王子」生父係星爺(網上圖片)

張栢芝於去年11月宣佈誕下第三胎「小王子」,B仔嘅生父身份成謎,傳聞滿天飛,先後傳過跟60幾歲新加坡富豪、大陸富商孫東海有關,甚至連前夫霆鋒都捲入生父疑雲漩渦,搞到霆鋒要發聲明澄清,最近又有另一位男星被傳係B仔嘅經手人,就係發掘栢芝拍電影《喜劇之王》嘅周星馳。

最近網傳栢芝第三胎「小王子」嘅生父係星爺,仲話兩人已經影咗婚紗相云云,栢芝工作室今日喺微博發文闢謠:「不實消息,請勿傳播。假的這兩個字,小室都說倦了。」並貼咗3單網上消息,包括:「醫院洩露張栢芝三胎DNA,周星馳被確認為親父」、「張栢芝周星馳婚紗照曝光」、「張栢芝喜晒結婚證」,打咗一個大大的「假」字。

至於栢芝就懶理傳聞,今日在微博貼咗條滑浪短片,留言:「好想去沖(衝)浪!」生咗B仔至今未夠百日,38歲栢芝已經想去玩滑浪,果然精力充沛,工作室都轉貼咗栢芝嘅滑浪短片,寫道:「馬上安排」網民抵死留言:「還是別安排,着涼了。」

栢芝同前夫謝霆鋒離婚8年,育有Lucas同Quintus兩子,離婚後兩子跟栢芝生活,霆鋒於14年同王菲世紀復合,鋒菲戀感情相當穩定,點知去年平安夜,網上忽傳霆鋒同王菲已經分手,仲話霆鋒會同栢芝復婚,甚至傳栢芝第三胎嘅生父係霆鋒,越傳越離譜。

之後搞到霆鋒在微博發文澄清:「對於近日關於本人一切匪夷所思的傳聞,令人看見咋舌。本人感情生活穩定,我亦只是Lucas 及 Quintus的爸爸,亦必定會盡心盡力做好這爸爸的責任。希望各位不要再助長謊言發酵,這些無稽的傳言,亦相信會對這新生孩子的真實的親父造成困擾,懇求大家停止傳播謠言,讓孩子們能夠在真實及健康的環境下成長。謹此一提以後不再回應,謝謝。」

栢芝工作室在微博闢謠(網上圖片)
栢芝工作室在微博闢謠(網上圖片)
《喜劇之王》捧紅咗栢芝(劇照)
《喜劇之王》捧紅咗栢芝(劇照)
栢芝在微博貼滑浪短片(短片截圖)
栢芝在微博貼滑浪短片(短片截圖)
好有活力(短片截圖)
好有活力(短片截圖)
小王子未滿100日,栢芝已經想去滑浪(短片截圖)
小王子未滿100日,栢芝已經想去滑浪(短片截圖)
(短片截圖)
(短片截圖)
栢芝曾在網上晒滑浪相(網上圖片)
栢芝曾在網上晒滑浪相(網上圖片)