【菰菰叢生】陳雅倫住「漏水屋」 稱霉菌令細菌入耳致顎骨發炎

別以為水為財，陳雅倫今年6月搬入大埔天賦海灣新居，但當時未係雨季，但到咗8月，佢屋企開始出現嚴重漏水情況，佢向業主反映，一直未受正視問題。

滲水情況益發嚴重，陳雅倫上月貼相喺facebook，已見燈位下要用紅色膠水桶去裝滴出嚟嘅污水，而且滴水口又開始發霉，仲生出菰類綠色植物。陳雅倫話業主一直唔受理，惟有自己搵律師處理。

再事隔一個月，仍然住喺「漏水屋」陳雅倫，今日又喺fb爆seed：「家裏因污水漏水事故，導致野菰叢生！假天花已不知道藏了多少細菌？漏水事件已經拖延兩個多月，業主仍然無動於衷，只管收租，一於懶理住客生死難受，極其自私自利，完全沒有盡半點作為業主應負的責任！」

「終於，我受病毒感染了！昨天已經感到很不舒服，右邊面腫痛得很厲害。但由於今天要在瀋陽工作，只好叫自己頂着，回到香港才入醫院作徹底檢查！這樣的受細菌感染，我真的憤怒了，真的想報警了，我要找回公道、公理！」

陳雅倫仲貼咗張臉腫相出嚟，以作出控訴。《蘋果》今日搵過佢，佢好勞氣咁話：「臉腫咗，似生『痄鰓』，依家好煩，仲要準備做騷。」陳雅倫表示業主依然冇表示，謂會考慮搵食環署同屋宇署嚟視察情況。