【虎年講老虎】香港老虎故事 荔園動物園「上水之虎」曾咬死警察遭射殺

華南虎被認為係野外滅絕,即只剩下人工飼養。 (圖:WWF@Twitter)
華南虎被認為係野外滅絕,即只剩下人工飼養。 (圖:WWF@Twitter)

踏入虎年大家應該聽到或者見到好多有關老虎嘅擺設及恭賀說話,作為香港人從來睇老虎都要去到外國動物園,但其實早年嘅香港原來都有野生老虎!自古以來華南虎足蹤遍布中國南部,連香港未開發前都係華南虎棲息地之一。

最著名香港老虎出沒事件就係1915年有一隻華南虎出沒於上水龍躍頭一帶,3位外籍警員上山巡視時不幸遭到襲擊,老虎身長2.6米重131公斤,造成1死1傷,後來大批警員重裝上陣圍捕,其中一位警員更被當場抓死,後來終於射殺呢隻「上水之虎」,其老虎頭被製成標本目前掛於警察博物館。及後香港有零星紀錄指有人見到野生老虎,但就未有照片作實,反而荔園動物園當年於1974年唔小心無關閘,老虎逃走出園外,大批警員圍捕,向其射出3發麻醉藥但因藥性太強不幸死亡。而對上一宗有市民稱見到老虎已經係2018年一對夫婦於馬鞍山郊野公園家樂徑報稱見到老虎,但後來經人搜索不求。

其實野生華南虎隨中國南部各大城市發展,目前已經絕種,最後一隻有紀錄嘅華南虎於1994年被射殺,之後再無任何證據顯示有任何野生華南虎在世,已經屬於野外滅絕呢!

1

華南虎被認為係野外滅絕,即只剩下人工飼養。(圖:WWF@Twitter)

2

荔園動物園當年都養有一隻老虎,但唔小心無關閘間接害死佢。

(圖:hkoldnews@twitter)

3

「上水之虎」殺死2位警員後被射殺,目前頭部標本仍放於警察博物館內。

(圖:hkoldnews@twitter)

按此下載全新Yahoo APP,緊貼城中好去處、Staycation攻略、行山路線、野餐地點推介,仲有新人禮等你拎,立即下載!

相關文章:

虎年行山路線丨4條「虎」字簡易行山路線 最快一個半鐘行完! 大嶼山老虎頭/大澳虎山/港島龍虎山/屯門虎地郊遊徑

英國孤島酒吧請店主 仲可兼任當地「國王」!

日本動物園大熊貓生孖胎 遊客抽籤最多睇1分鐘