【行兇者仍然在逃】吳彤有相證獎座已入倉 蔚雨芯堅持放公司

2018年度所有樂壇成績表，已經在上月頒發完畢，想不到農曆新年仍然有和頒獎禮有關的新聞，而且要追溯至2013年。事關商台DJ Colin昨日在渣華道橋底發現一個2013年新城勁爆頒獎禮的獎座，獎座上寫着「新城勁爆躍進歌手」，而當年得到此獎的人分別有羅力威、連詩雅、龍小菌、蔚雨芯和吳彤，隨即引來網民熱烈討論，猜猜誰是「兇手」。

除了龍小菌拿獎座拍照，證明獎座仍然「健在」，其餘4位「嫌疑人」都紛紛在網上留言表態，指自己非掉獎座的人。已經移居溫哥華的吳彤，今日香港時間凌晨12時左右，已在facebook貼文，否認自己是「斷捨離」主角，他留言寫道：「時間早上7時17分，瘋狂收到朋友短訊。」

吳彤續謂：「移居加拿大一段時間，應該要斷捨離都一早斷捨離。不過我獎唔多，所以擺倉都仲好多地方，有緣攞出嚟影張相啦！何況咁多女裝鞋，我應該冇咁嘅福份，亦冇咁嘅興趣。祝大家豬年快樂！」

今日《蘋果》聯絡吳彤，他再提供了一張相片證實獎座仍「健在」，雖然相中未能清楚見到當年的獎座，但吳彤指這相片是他離開香港時，將物品放入倉時拍攝，他更用紅色筆將放獎座位置框着。他透過短訊回覆說：「Should be still in the storage ah」。

吳彤表示：「上年飛之前擺入倉的，應該仲好安全，個盒係大會連埋個獎一齊畀我哋放獎嘅。會唔會真係做多咗或者係sample？我真係冇諗過離開咗香港成年仲有新聞。」最後，吳彤還笑指：「自己嘅獎項咁有限，點都會keep住嘅！」

至於，同樣在網上否認自己掉了獎座的蔚雨芯，今日回覆《蘋果》時話﹕「不是啦！所有獎喺公司，嚟緊我都會自己keep番晒先。」

而連詩雅經理人公司種星堂，今日亦提供了幾張相片給《蘋果》，證明獎座仍在公司，發言人更指:「我哋會奬啲獎全部放晒喺公司，所有獎都喺度嘅！」