【親自回應】有意領養Steven及雯雯兒子 甄采浠母愛大爆發:小朋友係無辜的!

【親自回應】有意領養Steven及雯雯兒子 甄采浠母愛大爆發:小朋友係無辜的!

TVB劇《愛·回家之開心速遞》飾演高小姐的甄采浠(前名甄詠珊)眼見張致恒(Steven)和雯雯一家生活艱難,她公開表示想領養他們的一個兒子。甄采浠接受《Yahoo娛樂圈》訪問,直言「想救得一個得一個」。

甄采浠近日表示有意領養一個張致恒(Steven)和雯雯的小朋友,「當時我睇到一個好令我心痛嘅新聞,係一個媽媽話想帶埋4個小朋友離開,所以有感而發,想救得一個得一個,因為生命係無價,小朋友係無辜的!」

經營美容院
經營美容院
開設婚介公司
開設婚介公司

被問到覺得張致恒和雯雯是一對怎樣的父母?她坦言跟Steven已很久沒聯絡,「我對佢哋嘅了解同大家一樣,都係喺新聞上面睇到!喺網上聲援集資,係可以解決燃眉之急,就算有再多嘅好心人,去到最後都係要靠自己,香港特色,自強不息,只要肯做,冇嘢係做唔到,只要肯捱一定會有一片天!」她續說:「成家立業,的確先成家後立業係啱嘅,一對成熟嘅夫妻,佢哋係會衡量自己個經濟能力,有計劃咁樣去生兒育女。所以我覺得佢哋有進步空間。加油!」

甄采浠很喜歡小朋友
甄采浠很喜歡小朋友

如何能幫助張致恒和雯雯一家?她認為:「首先,精神上我可以鼓勵佢哋,關關難過關關過,比上不足比下有餘,我都係過來人我都係咁樣捱過來的!另外,我兩間美容公司都可以提供機會,其中一間係韓國品牌學院,有開班教學,佢哋可以選擇嚟上堂,學習一技之長,我哋有好多之前畢業嘅學員,佢哋喺出面都有好多工作機會,同埋創業嘅機會。佢哋亦都可以選擇嚟我另外一間美容院工作,如果佢哋係冇經驗,我哋都會有在職培訓。」

一直很喜歡小朋友的甄采浠直言自己暫時未遇到Soul Mate,因此未能組織家庭,「所以而家都係寄情係工作同家人同6隻竉物度!因為我擔心可能去到我唔知幾多歲先至會遇到呢一個對的人,所以我有將來領養小朋友呢個念頭,我都去了解過香港領養小朋友嘅手續,香港領養小朋友嘅手續係比較完善。」

暫未組織家庭
暫未組織家庭

她分享近況:「最近我拍緊TVB劇集《刑偵12》,喺佛山同埋香港取景,所以我喺香港同埋佛山兩邊跑。啱啱錄咗新歌,而家做緊後期同埋計劃緊個MV拍攝,新歌會係今年內同大家見面!」她大讚拍檔很好,「佢哋好支持我繼續追夢,所以唔使拍劇嘅時間,我就會幫手打理我有份嘅美容院,同埋婚姻介紹所!再有時間我就會去上堂,好開心我已經有收納師嘅證書!哈哈!因為我真係好鍾意執嘢!」