【郭氏大和解】新地同帝國集團合併？郭基煇咁樣答……

新鴻基地產（016）郭氏家族長子郭炳湘去年逝世後，嫡孫郭基俊隨即獲任命為新地董事局非執行董事，被稱為三兄弟大和解。郭炳江子、執行董事郭基煇出席午宴時被問到與郭基俊有甚麼業務上交集時，他說：「有㗎有㗎，平時好多酒店嘅會，service apartment嘅會都會一齊傾偈，有講返W酒店，佢比較上心，始終W酒店係佢父親開則去起，會講點樣改善經營、點樣翻新，佢對呢樣嘢特別上心，好勤力㗎佢！」

至於新職位對郭基俊有甚麼意義，郭基煇指：「對佢嚟講好大鼓勵，酒店佢好上心，好多人鼓勵佢，喺唔開心嘅時候鼓勵佢啦，我同佢細細個一齊長大，喺嫲嫲屋企一齊過夜一齊玩，感情好深厚。」

至於郭老太是否希望他參與多些公司事務？「按步就班啦，都鼓勵佢喺公司呢度做佢想做嘅嘢。」另外，郭基俊亦獲得郭炳聯鼓勵。有關帝國集團事宜，郭基煇表示應該由郭基俊回答，「（郭基俊）細佬妹都打理緊。」那新地同帝國會否考慮合併？他未有正面回應，僅指：「今日好多料寫架喇。」

構思西沙路項目加入長者屋元素

另外，郭基煇透露上月聖誕假時受到房協長者屋丹拿山項目啟發靈感，初步構思在西沙路十四鄉大型項目加入長者屋元素，「例如下面幾層係畀長者住，硬件同軟件配套都要齊全，上面就畀長者家人住，令到長者可以融入大型屋村。」

他形容丹拿山項目質素非常好，例如有寬敞設施予輪椅人士，但財務模型卻不盡如人意，在補地價方面有政府的補貼，才能以較吸引的租金營運，一般發展商在無任何優惠政策下，租金未必如此吸引，營運亦有困難。

郭基煇多次強調這次只是初步構思，希望不想住老人院、但有不少積蓄的長者可以住得更好。暫時單位是傾向賣多於租，屋苑再加額外服務。

被問到長者屋構思是否跟隨新世界發展（017）開拓銀髮市場，郭基煇說：「不是因為新世界做所以做，各自各幫社會做些好事。」至於新地未來會否開拓老人院業務，郭基煇明言：「唔識做住，未有呢個諗法。」郭基煇強調長者屋是「add-on」，不是獨立發展項目。

記者：周家誠