【防腐劑作怪】43歲譚筠怡繼續惹火 網上晒泳照派福利

又係失蹤人口呀！邊個記得譚筠怡（Gwennie）請舉手！身材索爆嘅Gwennie，當年只有16歲，為見偶像劉德華，o氹掂一直覺得娛樂圈係大染缸嘅父親，俾佢參加「劉德華夢中情人選舉」，結果佢仲攞埋個冠軍，繼而晉身娛樂圈。

不過，現年43歲嘅Gwennie，05年已經離開咗香港娛樂圈去從商。雖然喺美國定居，但Gwennie久唔久都會返香港探屋企人，而喺美國就仍然有參與電影同模特兒工作。

人唔喺香港啫，想知Gwennie變成點，上網都可以睇到嘅，事關佢不時都會喺社交網貼下靚相，新鮮滾熱辣嘅係一張三點式泳照，身型fit到漏嘅佢，身材同樣貌都keep得相當好，甚至比早年更加fit，完全唔似43歲。

Gwennie拍過電視劇，也拍過電影，00年仲同前港姐梁珮瑚細佬梁焯滿，合作拍咗部三級片《獸性新人類》，片中兩人有唔少火辣肉博場面，佢嘅演出相當大膽。可惜博到盡，加埋樣靚身材正，都未有為Gwennie事業帶來起色，反而負面新聞多多，05年更捲入女藝人「掘金」風波，Gwennie否認傳聞後更轉戰商場，除了在澳門開餐廳，又進軍珠寶界成立自家品牌，她又努力增值自己，修讀珠寶鑑證及設計課程，11年更贏得不少國際級珠寶設計大獎，叫做幫自己爭番口氣。