【電影LOL】《尋秦記》電影版預告 影視展率先曝光 古天樂旗下天下一超多新作

第25屆香港國際影視展（Filmart Online)現正舉行，今年受疫情影響改於線上舉行。以往香港各間電影公司都會於會場設立攤位兼舉行節目巡禮，預告公司未來有咩新電影籌備中，集齊台前幕後眾首一堂，可謂一年一度影壇盛事。

雖然今年無咗實體版節目巡禮，不過無礙電影公司宣傳旗下新搞作，近年最活躍嘅一定要數古天樂嘅天下一電影（One Cool Film）。影展期間公佈部份電影海報及劇照，包括期待已久嘅科幻特技片《明日戰記》、香港殘疾運動員蘇樺偉的奮鬥故事《媽媽的神奇小子》、姜皓文主演嘅《電影痴》等。

新作品就有張繼聰、周秀娜主演嘅愛情故事《馬達蓮娜》、驚慄犯罪《惡行之外》、古天樂同宣萱主演《一線生機》，由袁富華、吳肇軒飾演父子嘅《說笑之人》，以及《YOLO》、《送院途中》等多部電影，不過其中最令人興奮一定係講咗好耐電影版《尋秦記》，終於出預告及劇照！

2001年劇集《尋秦記》推出時仲未有串流平台，睇外國劇無咁多選擇，電視係唔少家庭嘅娛樂，《尋秦記》當年真係好hit，成為一代人嘅集體回憶，所以當宣布原馬人馬回歸拍電影版，令唔少人好期待！

電影《尋秦記》講述古天樂飾演的項少龍在古代秦朝落地生根，項少龍在古代穿著現代人的T-shirt，繼續把現代世界的科技和文化帶到古代。20年過後，項少龍與嬴政（林峯 飾）不和，項要帶著一家人逃難，當中包括宣萱飾演的烏廷芳、郭羨妮飾演的琴清、滕麗名飾演的善柔、朱鑑然飾演的兒子項寶兒、黃文標飾演的滕翼等逃走。

剛剛見街嘅預告片見到，古天樂著到特工揸哂現代槍械同林峯對陣，2位動作場面要幾型有幾型，要chok有chok，宣萱、郭羨妮及滕麗名3位女主角近乎無老過，不過最驚喜係睇到電影版細節做得好足，項少龍著住果件現代T－shirt同20年前劇集𠴱件一模一樣！

認得出《尋》劇集同電影有咩同與不同，等同出賣年紀，不過都係一代香港人嘅集體回憶。

更多電影文章

【電影LOL】奧斯卡提名公布 《少年的你》爭國際電影獎 《Do Not Split不割席》入圍最佳紀錄短片

【電影LOL】Hello Kitty進軍荷里活大電影 搵動畫界高手撐起編導

【電影LOL】今個星期睇咩戲 《一秒拳王》《Tom & Jerry 大電影》《魔龍王國》《髮噩夢》《愛在末路之境》

【電影LOL】香港國際電影節 戲院網上同步進行 《風再起時》《七人樂隊》成開幕電影

【電影LOL】Netflix史上最貴新片 The Gray Man公布班底 《柏捷頓家族》男神有份

【電影LOL．UA結業】傳2大院商爭奪UA據點 百老匯遭入稟追裝修費

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！