【電影LOL】《男兒當入樽》電影版再有消息 下年秋季日本上映

籃球漫畫《男兒當入樽》1990-1996年喺《少年JUMP》連載,距今已經廿幾三十年,高中藍球比賽從未如此熱血過,漫畫銷量單係日本累計超過1億2千萬,亞洲地區同樣受歡迎,影響力驚人!

井上雄彥今年1月喺社交媒體宣布《男兒當入樽》將會推出電影版,消息一出萬眾期待!等足大半年終於有新進展,日前推出電影預告片,片段得音樂同一幅集合湘北5子身影嘅草稿,同寫住2022年秋季上映!

電影版暫時得一條30秒預告片,主要用嚟曬冷幕後班底,fans最關心當然係電影將由井上雄彥親自執導兼負責劇本,故事、人物角色發展承接漫畫,應該唔會有故事犯駁又或者角色性格大變嘅情況!

雖然一早確定唔會開拍真人版電影,不過無礙一眾網民為《男》物色真人版演員。漫改常客山崎賢人今次終於無上榜,同佢一樣曝光率極高嘅菅田將暉被網友推舉做宮城良田,另一男星橫濱流星就做流川楓等!

《男》喺90年代真係超受歡迎,當年紅到被抽水拍成港產片,由鄭伊健、吳大維、古天樂主演。不過除咗片名叫《男兒當入樽》同有幾場打波場面外,故事同井上雄彥嘅《男》毫無關係,談情多過打籃球!

通常漫改真人電影,啲cast造型再神似都會被人鬧,如果依家搵班鏡仔、Error及職業運動員等再拍一次港產真人版,姜濤或Ian做流川楓、Edan做宮城、大表哥Stanley可以做三井,193可以做仙道,Anson Lo做藤真,肥仔緊係做安西教練等,應該無人鬧仲好受歡迎!就算唔拍《男兒當入樽》,相信呢個組合一樣可以拍到套青春熱血勵志電影!

更多電影文章

【電影LOL】今期睇咩戲 媽媽的神奇小子/爆機自由仁/反轉方舟動物園/森林守護隊

【電影LOL】迪士尼改發行模式 當《尚氣》白老鼠?男主角劉思慕公然爆粗頂撞老細 或另有原因

【電影LOL】Disney+ 正式登陸香港 11月有得睇

【電影LOL】《星球大戰》金像導演J.J Abrams新作 竟然係UFO紀錄片 仲要Youtube有得睇!

【電影LOL】被睇死後立誓 拍戲發達唔益阿媽 名導塔倫天奴堅找數唔俾錢屋企

【電影LOL】奧運過後繼續撐運動員 《媽媽的神奇小子》展現蘇樺偉跑步人生

【電影LOL】冇題材手遊都殺!Netflix將「食雞game」PUBG拍成動畫

【電影LOL】主角位位演得唱得 新版《灰姑娘》玩轉舊橋 搵黑人男星演仙女教母!

電影LOL】動物們連環不幸事件?Edan呂爵安首度配音《反轉方舟動物團》

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能