雅虎香港新聞 【電影LOL】今期睇咩戲 尚氣／危樓深淵／惡煞
迪士尼漫威選擇暑假過後、開學先嚟上《尚氣》都幾有趣，戲中梁朝偉、劉思慕父子關係佔戲甚重：望子女成材過份嚴苛有反效果，同一時間父母逼你學嘢，學識其實跟你一世。明明好適合暑假檔一家大細去睇，不過單靠Marvel呢個招牌都夠吸客。
另外2套新上映電影一樣有睇頭，韓國喜劇《危樓深淵》講中唔少樓奴心聲，另一套《惡煞》為近年恐怖片大師溫子仁執導，包你嚇破膽。以往一有Marvel電影上，其他電影通常讓路費事撞期，今次有2套同《尚》同期上，係咪睇低華人超級英雄先？
《尚氣與十環幫傳奇》
主角尚氣從小精通武術，但因誤會與掌控神秘幫派「十環幫」的父親不相往來。直至為了要阻止邪惡勢力蔓延，決定重返舊地，揭開「十環幫」秘密，及面對千絲萬縷錯綜複雜的父子關係。
賣點：Marvel第4階段、梁朝偉首部荷里活電影。
《危樓深淵》
搬到首爾生活的東元（金成昀 飾）一家因為土地供應問題，花了11年終於成功上車買樓。他本以為自此生活美滿，興高采烈地邀請金代理（李光洙 飾）及其他同事回家舉行入伙派對。怎知道一秒前還在天堂的他們，一秒後竟連同整棟大廈直墮地下500米的深坑之中！被困的還有東元的歡喜冤家鄰居萬壽（車勝元 飾），災難當前他們能放下成見聯手保命嗎？面對大廈崩塌、糧食及暴雨的危機，時間分秒過去，他們最後能成功逃出深淵，重見天日嗎？
賣點：韓國喜劇、「長頸鹿」李光洙、「車大叔」車勝元主演。
《惡煞》
溫子仁醞釀多年的故事「惡夢成真」，Madison（安娜貝兒禾妮絲）日復日看到可怕兇殺案畫面，令她精神徹底崩潰。最初以為一切純屬幻象，但當她發現全都真有其事，噩夢才真正開始！殺機步步迫近，午夜來襲的是連環殺手？惡魔邪靈？還是⋯ 另有內情⋯
賣點：《恐懼鬥室》、《詭屋驚凶實錄》導演溫子仁新作。
更多電影文章
【電影LOL】打鬥連場 係咪虐老？75歲史泰龍拍《轟天猛將》外傳
【電影LOL】Netflix9月搞節目巡禮Tudum 3個鐘頭巨星放題新劇片段任睇
【電影LOL】戴妃電影Spencer預告曝光 幾個鏡頭交待皇室華麗背後實況？
【電影LOL】高先嘉禾經典電影重溫活動 睇奇洛李維斯張孝全青澀舊片
【電影LOL】《蜘蛛俠：不戰無歸》預告片流出 電影公司補鑊推官方版出場 亮點有呢幾個！
【電影LOL】Netflix邀曾國祥執導 《三體》有幾難拍？睇呢三點
按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！
