【電影LOL】內地翻拍《秋田犬八千》八千變八筒 網友mean問︰馮小剛演八公?

·3 分鐘文章

狗狗嘅故事真係睇極唔厭,尤其對主人義無反顧嘅忠犬!歷年來無數以狗做主角嘅電影,好似《神犬拉茜》、《極地雪犬》,擬人化嘅有《小姐與流氓》,仲有無數動畫狗故事,不過最出名一定係日本真人真事嘅秋田犬「八公」。

去過東京澀谷都應該見過車站嘅八公像,典故源於喺1923至1935年間,八公日日都去車站等主人收工返屋企,就算主人因病離世都繼續風雨不改守侯,直到狗生盡頭。因為事件受到《朝日新聞》報導,「八公」成為日本家傳戶曉嘅忠犬代表。

事蹟喺1987年被搬上大銀幕,由神山征二郎執導,戲中嘅八公最後因為身體虛弱,喺大風大雪中倒下,睇到個心實哂!美國喺2009年都改編過八公嘅故事,由李察基爾主演嘅《秋田犬八千》故事同日版大同小異,講述忠犬「八千」每天清晨都陪伴主人到火車站送他上班,又日復一日於下午在車站等主人下班回家,美版「八千」過足9年無家生活,最後安排八千同主人天國團聚,一樣睇到淚崩!

最近內地媒體愛奇藝宣布翻拍《忠犬八公》,搵嚟金馬影帝暨最佳導演得主、《非誠勿擾》馮小剛,以及國際影星、金馬導演陳沖擔任男女主角。2位演技無容置疑,反而擔心狗狗最有戲,2位無戲做!故事一定會內地化,其中包括秋田犬改由中華田園犬,即係類似香港常見嘅唐狗,兼會由「八千」改名成「八筒」!

馮小剛繼2015年《老炮兒》事隔6年後再次主演電影,飾演「八筒」主人,佢日前同狗演員們一同出席記招,表示好榮幸可以拍一個有情有義嘅故事。經典翻拍最難在於揉合本土特色及加入當下流行元素,忠犬故事本應易有共鳴,不過故事去到內地,最困難應該係點令「八筒」可以保住條命、流浪足9年,風雨不改去車站等主人!

對於是次翻拍,內地網友反應都幾mean,評價翻拍無意義仲反問「馮小剛演八公?」,亦有人指既然經典翻拍點解又係「愛奇藝原創電影」喎。據聞內地部份地區禁止飼養中華田園犬,加上時有聽聞內地殘忍撲殺犬隻嘅新聞,就算名種狗有人養都無情講,《忠犬八公》睇嚟要作出唔少改動先可以保住八筒條命之餘兼「接地氣」,忠犬可能要變神犬先拍得成!電影預計2021年12月31日上映。

更多電影文章

【電影LOL】唔係《12夜》續集 《12日》敲定鄧麗欣馬志威主演

【電影LOL】今個星期睇咩戲 《小飛俠與愛麗絲:魔幻奇緣》《呃love天團》《末世戰疫》《入住兇宅請敲門》

【電影LOL】《尋秦記》電影版預告 影視展率先曝光 古天樂旗下天下一超多新作

【電影LOL】奧斯卡提名公布 《少年的你》爭國際電影獎 《Do Not Split不割席》入圍最佳紀錄短片

【電影LOL】Hello Kitty進軍荷里活大電影 搵動畫界高手撐起編導

【電影LOL】今個星期睇咩戲 《一秒拳王》《Tom & Jerry 大電影》《魔龍王國》《髮噩夢》《愛在末路之境》

【電影LOL】香港國際電影節 戲院網上同步進行 《風再起時》《七人樂隊》成開幕電影

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!