【電影LOL】又一貼地港片《濁水漂流》吳鎮宇道盡露宿者無力與無奈

·2 分鐘文章

今年上映嘅香港電影雖然唔多,不過貴精不貴多,好睇自然得到觀眾支持。繼票房破千萬嘅《一秒拳王》後,MM2電影公司即將於6月推出由《翠絲》導演李駿碩自編自導嘅《濁水漂流》。

《濁》除咗參展今年香港國際電影節外,早前更入圍鹿特丹電影節「大銀幕」(Big Screen Competition)競賽單元,認真威水。

電影講述剛出獄的輝哥(吳鎮宇 飾)回到深水埗露宿,遭食環署掃蕩清場,家當盡失。他與街友另覓居所,於橋底搭建小木屋相依為命。初出茅廬社工(蔡思韵 飾)替街友入稟索償,但在公義與賠償來臨之前,他們能否捱過寒冬?

昨日電影公開預告片,短短數分鐘道出香港殘酷現實,吳鎮宇飾演嘅街友怒吼「政府做錯嘢就要道歉」、「對面啲豪宅起完,梗係要趕我哋走!」,面對食環強硬清場,李麗珍與到場警方據理力爭「對面地盤咁多垃圾,唔見你哋去清」卻換嚟「「警察做嘢唔使你教!」,道盡街友嘅無力與無奈。

電影改編自2012年通州街露宿者因為收地重建被清場嘅真實事件。香港不停有新樓盤,樓價不停創新高,連流落街頭都要被趕,片中都話「深水埗係窮人住嘅地方」。近年連深水埗都變成文青新地帶,香港低下階層嘅苦又有幾多人真正關心,定係如吳鎮宇戲中角色所言「傳媒訪問最想知點解你瞓街同吸毒」,只係一秒即逝嘅新聞標題?

導演李駿碩首作《翠絲》一鳴驚人,新作繼續關懷香港弱勢社群如何在狹縫中生存,並為自己爭取一絲尊嚴。《濁》有多位實力演員包括吳鎮宇 、謝君豪 、李麗珍 、朱栢康 、寶珮如 、蔡思韵 及新演員柯煒林, 戲中有唔少即興演出,拼出火花。

電影未必即時改善香港露宿者狀況,不過如導演所言拍戲係同世界溝通,搵到自己位置嘅方法。拍套高質嘅寫實電影,都係改變社會嘅其中一個渠道,值得入場支持。

更多電影文章

【電影LOL】Amazon一次過開拍5季《魔戒》劇集版 Season1成本已經36億!

【電影LOL】今期睇咩戲《二次人生》《複製人徐福》《浪浪歷險記》《幪面超人 劇場版》《等一個擁抱》

【電影LOL】港式Bollywood風味 《我男友係好差》未上畫已攞獎

【電影LOL】蜘蛛仔Tom Holland演《24個比利》網劇 挑戰人格分裂角色

【電影LOL】男人的浪漫!荷里活拍《機動戰士高達》真人版 伏味濃濃地

【電影LOL】院線搞重溫港產片活動 冇得睇《風再起時》不如睇《五億探長雷洛傳》

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!