【電影LOL】導演會頒獎禮 《奪冠》掃4大獎 周國賢首度稱帝

·2 分鐘文章

香港電影導演會2020年頒獎典禮因為疫情未能舉行,導演會改以網上公布得獎結果。各個獎項由導演會會員以一人一票方式選出,而榮譽大獎就需要75%會員通過,賽果仍有一定指標性。

2020年受疫情影響,上映電影數目大幅下降,雖然片量少仍不乏好戲!今屆大贏家為陳可辛導演嘅《奪冠》,呢齣紀錄中國女排近代史嘅作品,分別奪得最佳電影及最佳導演,而於《奪》中飾演教練郎平嘅鞏俐獲得最佳女主角,飾演年輕版郎平嘅白浪(現實中郎平嘅親生女)則獲得最佳新演員。

美指出身嘅文念中憑紀錄片《好好拍電影》獲得新晉導演獎。《好》紀錄咗導演許鞍華40多年電影生涯,當中紀錄許導出身背景、70年代至今香港社會、行業嘅轉變、流行文化變化等,《好》除咗可以了解多啲許鞍華導演外,同時亦係一封細膩充滿感情嘅香港家書。

最佳男主角則由周國賢憑《一秒拳王》精彩演出奪得。《一秒拳王》為觀眾帶嚟久違嘅正能量及鼓勵,憑口碑締造1500萬票房佳績,周國賢飾演嘅周天仁擁有預視一秒超能力,天生異能仍然過住頹廢生活,直至異能終於用啱地方,佢終於唔再逃避,善用才能好好過日子。今次亦係周國賢首次封帝!

香港電影導演會亦頒發榮譽大獎予上年8月因病離世嘅陳木勝導演。陳導自80年代活躍香港影壇,擅長拍攝動作片,導演生涯中交出多部經典,包括《天若有情》、《衝鋒隊:怒火街頭》、《三岔口》、《掃毒》等,遺作《怒火》將於7月30日上映。

香港電影導演會2020年度獎項結果:

最佳導演 ︰陳可辛《奪冠》

最佳電影 ︰《奪冠》

最佳男主角 ︰周國賢《一秒拳王》

最佳女主角 :鞏俐《奪冠》

最佳新演員 ︰白浪《奪冠》

新晉導演 ︰文念中《好好拍電影》

榮譽大獎 ︰陳木勝 導演

更多電影文章

【電影LOL】今期睇咩戲 殺出個黃昏/電影屁屁偵探/密室逃殺: 倖存者遊戲/太空也入樽:改朝換代

【電影LOL】《當男人戀愛時》好耐冇去台灣 定係催淚故事令你想喊?

【電影LOL】康城影展突然放映香港反修例紀錄片《時代革命》

【電影LOL】Margot Robbie拍Barbie真人版電影 故事竟然係唔夠靚被踢出Barbieland!

【電影LOL】棟篤笑女星遇上大話賤男 被昆經歷寫成劇本片廠爭住要

【電影LOL】《殺出個黃昏》林家棟蝕錢都要撐老戲骨 謝賢馮寶寶林雪火花四濺

【電影LOL】敲定名模王丹妮演《梅艷芳》 造型曝光似唔似梅姐?

【電影LOL】《赤BIG靈靈狗》10呎咁高卡通紅狗狗拍電影版 又因咩事有負評?

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能