【電影LOL】年度大片《沙丘瀚戰》預告片曝光 夠高質唔似商業爆谷片

·2 分鐘文章

因為疫情幾度延期至今年10月上映嘅Sci-Fi鉅製《沙丘瀚戰》,由《天煞異降》、《銀翼殺手2049》金像提名導演Denis Villeneuve執導,改編自法蘭克赫伯特(Frank Herbert) 的暢銷小說系列。小說曾於1984年由大導演David Lynch改編成同名電影,不過科幻小說再拍電影版難度極高,當年David Lynch出手都搞唔掂,票房、評價都麻麻!

事隔多年Dune再次搬上大銀幕,導演Denis Villeneuve訪問時透露自己12歲睇過小說後念念不忘,一直都想將故事拍成電影,不過Dune世界觀宏大,又牽涉多個星球,單係個景、特技都唔少嘢,導演經過《罪迷宮》、《天煞異降》及《銀翼殺手2049》等作品累積實力後,終於搵到大水喉投資1億5000萬美金,將Dune搬上大銀幕。

《沙丘瀚戰》單係演員陣容已經相當震撼,《以你的名字呼喚我》男星「甜茶」Timothee Chalamet、《銀河守護隊》大隻佬Dave Bautista、《水行俠》Jason Momoa、《復仇者聯盟3:無限之戰》「Thanos」Josh Brolin、《蜘蛛俠:決戰千里》女星Zendaya、《職業特工隊:叛逆之謎》女星Rebecca Ferguson及台灣男神張震主演,陣容夠拍幾集Marvel或DC電影!

導演明言《沙》係佢執導以來最好嘅作品,雄心壯志《沙》可以變成系列電影,將原著小說分成2部電影嚟拍,預咗實有續集咁話!剛剛電影公佈預告片及人物海報,視覺效果確實做得好,短短3分鐘預告片亦清晰交代故事來龍去脈,暫時睇《沙》唔止商業爆谷片,極期待!

《沙》講述才華洋溢、滿有天賦的少年Paul Atreides(Timothee Chalamet 飾),命中注定要完成超乎他認知的偉業。他要勇闖宇宙中最危險的星球,以守護家人和子民的未來。多個邪惡勢力為了奪取這個星球獨有的珍貴資源 – 一種能夠開啟人類最強潛能的必需品,而展開戰爭。只有戰勝恐懼的人們才得以生存。

早前華納宣佈2021北美地區上映嘅所有電影將會直上串流平台,做法惹嚟戲院及影迷不滿,好彩《沙》鐵定會戲院、串流平台同步,仲一定有IMAX版,《沙》集外太空、科幻、戰爭、神話等元素,一定要戲院大銀幕睇先啱數!

更多電影文章

【電影LOL.今期睇咩戲】波士BB 2細祖/義勇群英:蛇眼復仇戰 / 當男人戀愛時 / 解碼追兇

【電影LOL】奧斯卡得獎動畫短片《包》華裔女導演新作《熊抱青春記》青春期少女「見紅」煩惱

【電影LOL】導演會頒獎禮 《奪冠》掃4大獎 周國賢首度稱帝

【電影LOL】《當男人戀愛時》好耐冇去台灣 定係催淚故事令你想喊?

【電影LOL】康城影展突然放映香港反修例紀錄片《時代革命》

【電影LOL】Margot Robbie拍Barbie真人版電影 故事竟然係唔夠靚被踢出Barbieland!

【電影LOL】棟篤笑女星遇上大話賤男 被昆經歷寫成劇本片廠爭住要

【電影LOL】《殺出個黃昏》林家棟蝕錢都要撐老戲骨 謝賢馮寶寶林雪火花四濺

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能