【電影LOL】康城影展突然放映香港反修例紀錄片《時代革命》

·2 分鐘文章

現正舉行第74屆康城影展即將閉幕之際,大會突然宣布加插由《十年-自焚者》、《幻愛》導演周冠威執導製作嘅紀錄片《時代革命》(Revolution of Our Time)作特別放映,同時亦係《時》嘅世界首映。

《時》片長約2個半小時,紀錄2019年在港發生嘅反修例風波,其中包括「理大圍城」及「元朗721」等事件,以國安法實施作結。康城影展宣布加插《時代革命》特別放映前,幾乎無人知道《時》存在,導演周冠威接受外媒訪問時表示用咗2年時間秘密製作紀錄片,當中一齊合作嘅工作人員,要求匿名或停止合作,唯獨周仍堅持公開自己名字。

拍攝途中周冠威曾中水炮、頭盔中過橡膠子彈,長時間剪接亦令佢情感虛脫,對於作品可以喺康城首映感到榮幸。周導前作《幻愛》票房達1500萬,成為2020年暑假檔冠軍,電影叫好叫座,導演提及有投資商得悉佢製作《時代革命》後撤資,免受牽連。

外媒The Variety分析康城此舉如同賭博,報導提及奧斯卡金像獎為例,趙婷憑《遊牧人生》獲多項大獎,卻因辱華言論被內地官方列為禁語;另一套反修例紀錄短片《不割席》入圍最佳紀錄短片,TVB 52年嚟首次停播奧斯卡。報導亦有提及內地因為不滿金馬獎得獎人致辭內容而杯葛金馬獎。

The Variety猜測為咗防止內地參展電影臨時退展以示不滿,故意選擇於內地電影映期後、閉展前宣布加入《時代革命》場次。不過康城影展輕則受內地或香港官方指責、重則杯來年影展。得失內地金蛋都要放《時代革命》,據The Variety報導,可能同影展節目策劃Thierry Fremaux及Christian Jeune於反修例期間訪港,親眼目撃事件有關。

紀錄香港嘅《時代革命》,喺香港應該上映無期。

更多電影文章

【電影LOL】今期睇咩戲 殺出個黃昏/電影屁屁偵探/密室逃殺: 倖存者遊戲/太空也入樽:改朝換代

【電影LOL】Margot Robbie拍Barbie真人版電影 故事竟然係唔夠靚被踢出Barbieland!

【電影LOL】棟篤笑女星遇上大話賤男 被昆經歷寫成劇本片廠爭住要

【電影LOL】《殺出個黃昏》林家棟蝕錢都要撐老戲骨 謝賢馮寶寶林雪火花四濺

【電影LOL】敲定名模王丹妮演《梅艷芳》 造型曝光似唔似梅姐?

【電影LOL】《赤BIG靈靈狗》10呎咁高卡通紅狗狗拍電影版 又因咩事有負評?

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能