【電影LOL】拍到無嘢好拍?DC新片主角係超級英雄寵物!

·2 分鐘文章

漫威、DC近年不停推出超級英雄電影,由家傳戶曉嘅角色到比較冷門嘅都有,而超級英雄電影亦唔再得正面陽光設定,暗黑角色一樣大受歡迎,數量之多睇到眼花瞭亂!DC主力行暗黑路線,新版《蝙蝠俠》、Black Adam講到明暴力又多人性掙扎,不過最新片單中竟然有套合家歡喜劇!

剛剛舉行嘅DC FanDome節目巡禮中,大會確定動畫 DC League of Super-Pets: The Adventures of Krypto and Ace即將於下年5月推出。電影改編自DC同名漫畫,講述超級狗Krypto聯同蝙蝠狗Ace等超能寵物打撃罪案,警惡懲奸。

DC League of Super-Pets最早出現於1955年嘅漫畫,2000年左右改編成動畫劇集。呢班超級寵物大有來頭,Krypto係超人隻狗,擁有死光眼,Ace係蝙蝠俠嘅寵物狗,於漫畫登場仲有女超人隻貓、神奇女俠隻袋鼠及水行俠隻海馬,呢隊超級寵物聯盟成員仲有豬同龜!

超級寵物聯盟成員位位有超能力,閑時互相溝通交換情報,都會有意見不合鬧翻嘅時侯,主要靠Krypto守住團隊軍心,不過超能力唔包括同人類溝通。

電影搵嚟《LEGO:蝙蝠俠英雄傳》編劇Jared Stern撰寫劇本兼執導,製片由Hiram Garcia擔任,佢亦係Black Adam嘅監製,2套DC電影一樣由「The Rock」 Dwayne Johnson做主角,今次DJ將會聲演超級狗Krypto,而蝙蝠狗Ace則由The Rock《逃出魔幻紀》合作多次嘅Kevin Hart聲演!

貴為DC超級英雄一員,配音陣容一樣星級!落實參與演員包括Saturday Night Live班底、女版《捉鬼敢死隊》Kate McKinnon、《無聲絕境》系列男星John Krasinski、美劇The Good Place女星Jameela Jamil、美劇《勁爆女子監獄》女星Natasha Lyonne以及終於喺超級英雄電影出現嘅奇洛李維斯!!

呢隊超級寵物電影威到未上映就已經確定會出同名電子遊戲。如果DC進軍兒童界成功的話,父母應該買周邊買到手軟!

更多電影文章

電影LOL︳今期睇咩戲 - 毒魔:血戰大屠殺/最後絕鬥/永遠比那些笨蛋年輕/龍虎武師/索命女校/小獅與灰狼的夢想日記

電影LOL︳煲定劇等睇戲!Marvel 電影骨牌式延期上映

電影LOL︳DC節目巡禮 Robert Pattinson主演新版《蝙蝠俠》曝光 企鵝人貓女有新形象

電影LOL︳Disney+亞太地區節目巡禮 韓劇綜藝最矚目

電影LOL︳超人之子漫畫出櫃 同志超級英雄登上大銀幕不遠矣?

電影LOL︳《朱古人獎門人》前傳Wonka開鏡 Timothée Chalamet「迎戰」影壇前輩s

電影LOL︳Disney+11.16登陸香港 738蚊年費有咩睇?

電影LOL︳金馬獎入圍名單公布 港片《濁水漂流》獲12項提名

按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能