雅虎香港新聞 電影LOL︳煲定劇等睇戲！Marvel 電影骨牌式延期上映
今年漫威電影自《黑寡婦》後接住不停上，《尚氣》男主角外貌被負評，香港一樣大收超過5000萬票房，11月到金像導演趙婷執導嘅《永恆族》，漫威首腦Kevin Feige大讚電影會改寫漫威歷史咁話。年尾聖誕到《蜘蛛俠：不戰無歸》接力，套套都係票房金蛋，氣勢如虹，不過下年片期一樣要大執位！
片期改動唔係有咩驚人宣傳鋪排，純粹因為新冠疫情影響拍攝進度，追開漫威都知道佢地嘅劇集及電影，可以當獨立作品睇同時又環環緊扣，是但一部製作延誤都係做成骨牌效應，所以「蜘蛛仔」後嘅電影全部要順延上映！
原本22年3月上映嘅《奇異博士2》（Doctor Strange in the Multiverse of Madness )由原本3月延至5月，片名己透露《奇2》出現多重宇宙，同《蜘蛛俠：不戰無歸》固然有關連，據聞仲連繫到劇集WandaVision及Loki，趁電影改期，大家不妨下月Disney＋開台時煲劇做定功課！
原本5月上嘅《雷神4》（Thor: Love and Thunder）延至7月上映，自Taika Watiti接手《雷神奇俠3：諸神黃昏》執導演筒後，「雷神」簡直生猛哂，由大隻天神變啤酒肚肥佬呢個設定令「雷神」有趣咗好多。今集Jane (Natalie Portman飾）將會攞起個槌同「雷神」大戰Christian Bale飾演嘅Gorr，加埋Russell Crowe飾演宙斯，好想知Watiti有咩新橋！
22年11月個期交由《黑豹2》（Black Panther: Wakanda Forever ）接力，電影預計下個月完成拍攝工作。除咗知道首集導演Ryan Coogler再次執導續集外，暫時未有太多消息流出，不過迪士尼似乎有意搵Coogler拍埋「黑豹」劇集Wakanda，繼續發展《黑豹》世界。
《Marvel隊長》續集The Marvel由22年11月延至23年2月，今集由《糖魔怪客》導演Nia DaCosta執導，兼且有唔止一位「Marvel隊長」同場。劇集WandaVision出現過嘅Monica Lambeau及Ms. Marvel將會齊齊登場，香港觀眾熟悉嘅韓星朴敘俊都會參演。
唯一一套唔駛改片期嘅《銀河守護隊3》keep住23年5月上映，而新一集《蟻俠與黃蜂女》將會延至23年7月暑假黃金檔上映，今集將會加入由Jonathan Majors飾演嘅Kang，佢係劇集Loki一個關鍵角色，睇咗劇就會明點解佢會出現喺《蟻俠3》。
結論：漫威電影延期上映係想俾多啲時間觀眾煲劇，間接谷自家串流平台！
更多電影文章
電影LOL︳今期睇咩戲 － 毒魔：血戰大屠殺／最後絕鬥／永遠比那些笨蛋年輕／龍虎武師／索命女校／小獅與灰狼的夢想日記
【電影LOL】DC節目巡禮 Robert Pattinson主演新版《蝙蝠俠》曝光 企鵝人貓女有新形象
【電影LOL】Disney+亞太地區節目巡禮 韓劇綜藝最矚目
電影LOL︳超人之子漫畫出櫃 同志超級英雄登上大銀幕不遠矣？
電影LOL︳《朱古人獎門人》前傳Wonka開鏡 Timothée Chalamet「迎戰」影壇前輩s
電影LOL︳Disney+11.16登陸香港 738蚊年費有咩睇？
電影LOL︳金馬獎入圍名單公布 港片《濁水漂流》獲12項提名
電影LOL︳《毒魔》開畫北美大收 仲有機會加入Marvel宇宙？
按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載
