【電影LOL】真正「大叔的愛」 BL劇《昨日的美食》11月上畫 睇戲學煮餸冧仔!

港版《大叔的愛》阿牧同田田嘅戀愛經過掀起全城BL熱潮睇到好肉緊,結局甜到漏不過觀眾唔夠喉,紛紛要求開拍電影版。日本《大叔的愛》都有拍電影版,希望港版電影都會開拍,我仲想睇多啲阿牧同田田呀!

講開BL劇集,日本除咗《大叔的愛》,近年仲hit過好幾部,好似由赤楚衛二及町田啟太主演嘅《如果30歲還是處男,似乎能成為魔法師》,講男主角30歲仲係處男而得到讀心術,意外發現公司靚仔又能幹嘅同事優一原來暗戀自己,2人慢慢由同事變情侶嘅故事。

仲有一套2019年勁hit、打破深夜時段收視紀錄嘅BL劇《昨日的美食》。呢套名乎其實係「大叔的愛」,講述律師筧史朗(西島俊秀 飾)及髮型師賢二(內野聖陽 飾)呢pair中年型男同居生活故事。史朗個性拘謹,精打細算嘅佢好叻煮飯,轉去細律師行打工就係為咗可以晚晚準時收工煮飯俾賢二食。而賢二個性比較奔放,man得嚟又會同史朗撒嬌,負責食嘅佢餐餐都食到冧豬樣,令史朗好有動力日日煮!

《昨》無咩大起大落、峰迴路轉嘅劇情,主要圍繞2人嘅日常生活,不過觀眾就係buy呢種平凡幸福兼可以學煮返幾味。劇集播出後一片好評,仲攞埋101回日劇學院賞最優秀作品、男主角、劇本及導演等4項大獎!劇集叫好又叫座,順勢推出電影版!

電影版加入由Johnny’s旗下男團SizTONES松村北斗飾演嘅新角色做賢二嘅同事,佢嘅出現令史朗呻醋!電影仲會加插史朗為賢二安排嘅京都慶生之旅,有靚景有窩心日常,平淡是福就係咁解!《昨》電影版因為疫情關係延誤咗拍攝進度,電影終於確定今年11月3日喺日本上映。

劇情以外,我最關心係有咩食譜可以偷師!

更多電影文章

【電影LOL.今期睇咩戲】波士BB 2細祖/義勇群英:蛇眼復仇戰 / 當男人戀愛時 / 解碼追兇

【電影LOL】ERROR為催淚日本動畫《鱷魚君最後的100天》配音 入場笑定喊好?

【電影LOL】以火聞名以火作結 陳木勝遺作《怒火》 謝霆鋒甄子丹炸爆街頭

【電影LOL】年度大片《沙丘瀚戰》預告片曝光 夠高質唔似商業爆谷片

【電影LOL】奧斯卡得獎動畫短片《包》華裔女導演新作《熊抱青春記》青春期少女「見紅」煩惱

【電影LOL】導演會頒獎禮 《奪冠》掃4大獎 周國賢首度稱帝

【電影LOL】《當男人戀愛時》好耐冇去台灣 定係催淚故事令你想喊?

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!