【電影LOL】Barbie真人電影陣容越整越強 Ryan Gosling演真人版Ken

·2 分鐘文章

芭比(Barbie)真人電影終於搵到阿Ken啦!電影由2017年開始計劃,期間一波三折連出品片廠都轉埋,輾轉落入華納手上,女主角亦由諧星Amy Schumer變成「小丑女」Margot Robbie主演,佢更會出任電影監製。

芭比有唔少系列電視、電影動畫,多數都喺一班Barbie and friends喺唔同場景,有時輕鬆玩樂,有時面對人生抉擇,通常結局都係充滿粉紅色極美滿嘅,不過嚟到真人電影版,畫風唔似輕鬆喜劇喎!

一直以「夢想成真」嘅角色扮演,雄霸玩具界多年嘅芭比,其不合乎現實比例嘅體態,喺現今追求多元及包容嘅社會顯得不合時宜,完美嘅形象不再受吹捧。女主角Margot Robbie明言Barbie有好多歷史包伏,改編成電影一定要花心思,相信真人版芭比要面對更多人性掙扎。

真人電影講述芭比因為唔夠靚而被趕出Barbieland,佢唯有走進現實世界開啟探索之旅。暫時未知佢嘅銀幕男友Ken會同佢一齊踏上旅途定係分手留守Barbieland,唯一知道就係Ryan Gosling會飾演真人版Ken!

據聞電影公司一早屬意由Ryan擔任Ken一角,不過因為拍攝日程同佢其他工作撞期而拍唔成,男主角一直懸空。正因為製作延期,兜兜轉轉終於等到Ryan有期接演阿Ken!

Ryan Gosling多次獲影帝提名,終憑《星聲夢裡人》成為金球影帝,貴為荷里活一線男神嘅佢擇戲偏好孤僻、內向角色,依家首肯做阿Ken,照理角色應該有戲做,唔會止於靚樣靚body啩?

電影預計2022年底拍攝,最快2023年有得睇。

更多電影文章

電影LOL.今期睇咩戲︳假面之夜/失靈腦朋友/邂逅愛之夏/月光光殺清光/我的英雄學院劇場版

電影LOL︳Anson Lo盧瀚霆首部電影《假冒女團》男扮女裝兼著道士袍跳舞

電影LOL︳拍到無嘢好拍?DC新片主角係超級英雄寵物!

電影LOL︳煲定劇等睇戲!Marvel 電影骨牌式延期上映

電影LOL︳DC節目巡禮 Robert Pattinson主演新版《蝙蝠俠》曝光 企鵝人貓女有新形象

電影LOL︳Disney+亞太地區節目巡禮 韓劇綜藝最矚目

電影LOL︳超人之子漫畫出櫃 同志超級英雄登上大銀幕不遠矣?

電影LOL︳《朱古人獎門人》前傳Wonka開鏡 Timothée Chalamet「迎戰」影壇前輩s

按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能