【電影LOL】DC節目巡禮 Robert Pattinson主演新版《蝙蝠俠》曝光 企鵝人貓女有新形象

·2 分鐘文章

DC剛剛舉行咗第二屆DC FanDome,同一眾DC迷於網上互動,內容包括電影預告及台前幕後訪問片段,根本係DC節目巡禮!其中最矚目一定係由Robert Pattinson主演嘅新版《蝙蝠俠》!

DC手執幾個超級英雄,不過可惜電影就唔係套套收得,有啲仲被劣評,好似《自殺特攻》拍完幾年又再重啟,《正義聯盟》集齊神奇俠、水行俠同蝙幡俠幾個大英雄,可惜成品唔多好睇,結果短時間內不斷重啟或重拍,又或者出個導演版,多到跟唔切!

《小丑》轉向暗黑面發展,Joaquin Phoenix版終於叫好又叫座仲掃埋奧斯卡。今次重啟「蝙幅俠」,當初確定由Robert Pattinson接棒,外界反映一般,不過睇到剛剛推出嘅預告片,新版行超dark復仇路線,Robert沉鬱氣質又似乎好適合!

新版《蝙蝠俠》改編1987年2月Frank Miller創作漫畫Batman: Year One,講述年約30歲嘅Bruce Wayne返咗葛咸城2年,剛剛開始做「蝙蝠俠」,同警長James Gordon合作打擊罪惡。仲學緊做「蝙蝠俠」嘅佢,道德底線比較模糊,多數以暴易暴解決問題,所以會衝動犯錯,從失敗中成長成為日後冷靜沈穩嘅蝙蝠俠!

預告片有出現蝙蝠燈,同以往睇開嘅略有不同,Bruce Wayne片中特別同壞蛋強調個燈係「警告」(It’s a warning),見到就要驚到掉頭走。導演Matt Reeves表示新版《蝙》唔全然係超級英雄電影,會更貼近原著偵探破案。預告由「謎語人」(Paul Dano飾)留低「問號」咖啡後被捕展開,Bruce一步一步嘗試破解佈局。

「謎語人」非常重戲,另一歹角「企鵝人」(Colin Farrell飾)亦相當搶戲,早前接受訪問時,Colin自爆自己只有7分鐘戲份!佢為角色增肥配埋特技化妝,完全掩蓋本身靚佬外型,完全認唔出!而由Zoe Kravitz飾演嘅「貓女」,渾身充滿危險氣息,同「蝙蝠俠」是敵是友,相當神祕!

預告片仲有出現一班化哂小丑妝嘅嘍囉,係咪暗示「小丑」會登場?唯有繼續等下一波宣傳,睇下有無提示啦!

更多電影文章

電影LOL︳今期睇咩戲 - 毒魔:血戰大屠殺/最後絕鬥/永遠比那些笨蛋年輕/龍虎武師/索命女校/小獅與灰狼的夢想日記

【電影LOL】Disney+亞太地區節目巡禮 韓劇綜藝最矚目

電影LOL︳超人之子漫畫出櫃 同志超級英雄登上大銀幕不遠矣?

電影LOL︳《朱古人獎門人》前傳Wonka開鏡 Timothée Chalamet「迎戰」影壇前輩s

電影LOL︳Disney+11.16登陸香港 738蚊年費有咩睇?

電影LOL︳金馬獎入圍名單公布 港片《濁水漂流》獲12項提名

電影LOL︳《毒魔》開畫北美大收 仲有機會加入Marvel宇宙?

電影LOL︳《迷幻列車》外傳拍電視劇 「巴閉」做主角

按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能