【韓流】閔孝琳 李孝利爆冷落選 整容醫生首推喬妹靚鼻
韓國整容發達好蓬勃,所以世界各地嘅人士都愛飛到當地整容。
而近日喺韓網theqoo網站,就以整容醫生首推靚鼻做話題,當中韓國《太陽的後裔》女星宋慧喬嘅靚鼻就被整容醫師選為女演員理想型嘅鼻子。
以往要選靚鼻明星,韓國天團BIGBANG成員太陽個老婆閔孝琳同埋性感歌姬李孝利都必定榜上有名,不過原來兩人嘅鼻子難以通過手術去達到咁嘅效果。而要通過整容手術令鼻子達到最理想化嘅話,整容醫生就首推喬妹,大讚喬妹個鼻形好理想,從額頭到鼻子嘅曲線,到鼻尖及鼻樑都好理想。