【韓流】37歲喬妹戀25歲朴寶劍 姊弟戀題材引共鳴

37歲嘅宋慧喬孖25歲朴寶劍合作新劇
37歲嘅宋慧喬孖25歲朴寶劍合作新劇

婚後狀態大勇嘅韓國37歲女星宋慧喬,跟25歲朴寶劍合作嘅新劇《男朋友》,將於後日首播,港迷亦可於「黃Viu煲劇平台」追睇。

《男朋友》講述喬妹飾演嘅首爾市長千金車秀賢失婚後,邂逅朴寶劍扮演嘅平凡青年金振赫,並譜出浪漫姊弟戀。其實姊弟戀嘅題材於韓劇屢見不鮮,由相差數載至十多歲亦不稀奇。

早於2005年,型男玄彬跟年長9歲嘅金宣兒就合作熱播劇《我係金三珣》,因姊弟戀題材新穎而創下收視神話。2013年李鍾碩於人氣劇《聽見你的聲音》中,跟年長10歲嘅李寶英談情,亦令觀眾十分受落。

去年於「黃Viu煲劇平台」熱播嘅《愛情的溫度》與《醫療船》,亦同樣大玩姊弟戀而且收視不俗。至年初孫藝珍跟丁海寅於人氣劇《經常請吃飯的漂亮姐姐》中,上演相差9歲嘅甜蜜姊弟戀,再創收視佳績。就連將於明年播出嘅兩部話題韓劇,亦係取材姊弟戀,包括由29歲李鍾碩跟39歲女星李娜英合作嘅tvN新劇《羅曼史別冊附錄》,以及24歲南柱赫跟36歲女星韓智敏合作嘅JTBC奇幻愛情劇《耀眼》,可見姊弟戀劇依然大有捧場客。

事實上,根據韓國統計廳早前發表嘅「韓國女性生活」調查結果顯示,去年當地結婚人口約20多萬,當中每6對就有一對屬姊弟戀夫婦,比率由1990年佔結婚夫婦嘅8.8%,急增至16.9%,超越同齡夫婦所佔嘅15.9%。這亦係因為韓國女性比十年前遲婚所致,當地男女平均結婚年齡已分別推遲至32.9及30.2歲,造就更多姊弟戀出現。

難怪圈中亦有唔少姊弟戀開花結果,包括合作神劇《太陽的後裔》而結下良緣嘅33歲男神宋仲基跟37歲女星宋慧喬、37歲女星韓惠珍與29歲南韓國腳奇誠庸、42歲女歌手白智英與33歲男星鄭錫元,以及天團BIGBANG嘅30歲成員太陽與32歲女星閔孝琳。

今次喬妹跟朴寶劍於《男朋友》中談情,當中姊弟戀題材切合社會現象,正好滿足當地30至40多歲女性觀眾鍾情小鮮肉嘅口味,特別容易引起女性共鳴。

失婚嘅首爾市長千金,邂逅平凡青年。
失婚嘅首爾市長千金,邂逅平凡青年。
二人譜出浪漫姊弟戀
二人譜出浪漫姊弟戀
《男朋友》將於後日首播
《男朋友》將於後日首播
宋仲基跟喬妹因合作神劇《太陽的後裔》而結下良緣
宋仲基跟喬妹因合作神劇《太陽的後裔》而結下良緣
《醫療船》劇照
《醫療船》劇照
《愛情的溫度》劇照
《愛情的溫度》劇照