【黎明生女】樂基兒宣佈胎兒性別:係男仔!

蘋果動新聞
(攝影:陳慧安)
(攝影:陳慧安)

早前宣布懷孕嘅樂基兒(Gaile)今日現身北角,為佢主理嘅烹飪及瑜珈書舉行發布會, Gaile表示今次係網頁形式嘅電子書:「第一章會係一啲適合大家開Party嘅食物,第二章就係素食,第三章係適合煮俾寵物狗狗嘅。」

除烹飪外,Gaile表示電子書仲會有瑜珈同美容總共三個項目,佢話:「我好Enjoy喺幕後由構思到製作嘅過程,唔需要每次都出自己個樣上嚟。」

已經懷孕四個月嘅Gaile,為咗谷書,仲即場透露BB嘅性別 :「係男仔,我同老公都好興奮,懷孕嘅過程既興奮又驚,但係要一步一步嚟。」至於選擇BB喺香港定美國出世?Gaile話仲未決定:「我每年聖誕都會返屋企(美國),到時返到去先至決定。」

Gaile又透露懷孕期間自己飲食口味變化好大:「我以前鍾意食Pizza同漢堡包,但依家發現好鍾意食芥蘭同埋炒牛肉,覺得好好味,我亦都好鍾意食辣,依家唔會刻意完全唔食,有機會就畀自己食少少。」

對於佢嘅個人Instagram帳戶上,近日被網民瘋狂留言,稱「我不能被人玩弄這麽多年感情 不了了之的就離開了」、「這些年的戲弄,給我的結果就是當你懷孕了。」、「你告訴Ian(樂基兒丈夫)是gay,今年8月份你還在戲弄我。」及後留言又悉數刪走。(新聞連結: https://bit.ly/2RQ9aOP )

Gaile話自己唔識睇中文,根本唔明對方寫乜,亦唔會放喺心上:「反而有啲朋友睇完會話返畀我聽,但我覺得網上世界係一個公開平台,大家講咩都控制唔到,最緊要唔好太Over,我唔想指名話邊位,但希望佢可以做多啲有意義嘅嘢,例如做吓Yoga、煮下嘢食,過吓其他生活。」

懷孕四個月嘅Gaile係陀囝囝
懷孕四個月嘅Gaile係陀囝囝
Gaile又透露懷孕期間自己飲食口味變化好大
Gaile又透露懷孕期間自己飲食口味變化好大
Gaile嘅個人Instagram帳戶上,近日被網民瘋狂留言
Gaile嘅個人Instagram帳戶上,近日被網民瘋狂留言

其他內容