雅虎香港新聞 【Yahoo Lunch K・Backstage】溝渠系列三部曲 泳兒再挑戰暗黑系
上星期四【Yahoo Lunch K】請嚟泳兒(Vincy) 同咪霸張潔瑩(Kit) 、樂手Justin一齊唱歌兼傾偈！
近年泳兒轉型為「暗黑系」歌手，由之前嘅《明日花》、《野木蘭》、《花心》開始，到最近嘅《溝渠暢泳》同新歌《所有遺失的東西》，都畀觀眾睇到泳兒嘅另一面。
今次嘅訪問當然要重點講吓新歌《所有遺失的東西》啦！
《所有遺失的東西》作為承接着《溝渠暢泳》嘅第二部曲，泳兒喺訪問入面分享到，《溝渠暢泳》想表達嘅訊息係人喺逆境當中點樣去令到自己搵到繼續前行嘅理由，繼續生存落去。
而《所有遺失的東西》除咗有泳兒獨唱嘅版本，最新仲推出左同組合Per Se嘅合唱版本，泳兒講到呢兩個版本喺編曲上當然有好大嘅分別，但除此之外係想表達嘅意思上都有好大嘅分別，獨唱版所表達嘅係一個孤獨嘅靈魂自己一個去尋找遺失咗嘅野，而合唱版就變成咗一個三人行嘅故事，互相扶持住，再加上填詞周耀輝喺合唱版本嘅最後加上咗兩句英文歌詞，為呢個合唱版本帶嚟一種希望嘅味道。
「I look around for all the things I've lost,
But nothing's found for nothing's truly lost.」
「遺失了自己可能還悲哀。」-《所有遺失的東西》歌詞節錄
對比起以前，暗黑系嘅泳兒作出咗好多大膽嘅嘗試，原來泳兒一直都好鍾意啲比較Dark嘅嘢，以前可能會因為商業考慮，怕觀眾接受唔到另一面嘅自己。Vincy就話要非常感謝公司給予嘅自由度，亦都要多謝Fans咁支持暗黑系嘅泳兒，能夠令佢將想做嘅音樂呈現喺大家眼前。
Vincy 仲話呢個「溝渠系列」嘅第三部曲已經完成， MV都已經拍好。
嚟緊都會繼續探索下仲有邊啲新嘗試帶俾大家，記得期待一下泳兒之後嘅新作品！
睇更多YAHOO LUNCH K BACKSTAGE內容：
