【5日侍產假本周五實施】新手爸爸大吐苦水:俾老婆趕咗出門口!

雅虎香港新聞
5天男士侍產假本月18日起實施 (資料圖片)
5天男士侍產假本月18日起實施 (資料圖片)

生小朋友唔止媽媽要支援,其實爸爸都要。市民期待已久嘅男士法定5日侍產假(本來3日),相關條例經修訂之後,會於今個禮拜五(18號)正式落實。新例之下,按連續性合約受僱嘅男僱員,若果有小朋友於今月18號或之後出世,按規定通知僱主後,就可以享有5日侍產假。男僱員可以在預計小朋友出生日期前至少3個月通知僱主。另外,若果有男僱員嘅小朋友真係在18號出世,如佢要放新增嘅第4、5日侍產假,則要提早5日通知僱主。

男士侍產假增加,可謂打工仔望穿秋水嘅利民措施。雖然同好多勞工團體爭取嘅7日尚有啲距離,但始終有多好過無變!小朋友既要媽咪照顧,爸爸亦無得獨善其身,點都要幫輕下老婆,工作同埋家庭嘅壓力真係有千斤重,侍產假嘅增加希望可以幫輕下佢地。

新手爸爸大吐苦水 一句話觸發老婆怒火

新手爸爸大吐苦水 (Getty Image)
新手爸爸大吐苦水 (Getty Image)

有巴打開post,大吐「新手爸爸苦水」。佢開post之時就係俾老婆趕咗出門口!點解呢?之唔係又係湊小朋友引起嘅衝突。佢嘅BB大概半歲,太太每日凌晨不斷起身睇BB,因為小朋友又踢被又唔肯訓;巴打唔忍心,所以講咗句「由得BB先,可能郁郁下佢就會訓返覺」,並諗住沖奶俾BB飲。

估唔到呢句就係觸發媽媽神經嘅導火線!佢老婆就算見到老公餵奶,都連珠砲發咁轟落嚟!一時話「BB凍親點算」,甚至話「點做人老豆」。佢不禁感嘆,自從BB來了後,太太變咗好多,雙方多咗爭執,更甚係恐怖……所以對於老婆話本來想生兩個,佢都想打退堂鼓。

網民:BB來了 籲夫妻忍讓互相遷就

網民見到佢大受壓力,都給予鼓勵,讚佢係好老公好爸爸,係真男人,因默默忍受同承擔。有過來人回首話,自己當初都好似佢咁,但慢慢試下去學湊仔,湊湊下覺得好開心,仲慢慢享受添,而見到BB成長係開心事嚟。都有網民希望雙方忍讓下,可以試下俾老婆輕鬆同朋友食飯抖下先。

做人父母甚艱難,對於新手父母嚟講,阿B每一樣生活細節都係挑戰,好似一場又一場震撼教育!小編都希望向各位爸爸媽媽講聲加油,更希望政府推出更多家庭友善措施。

來源:連登討論區

           5天男士侍產假本月18日起實施

相關字:

侍產假 5日侍產假 男士侍產假 BB來了 新手爸爸 新手媽媽 爸爸 媽媽

 

你可能還想看