【free lunch and free love】吳綺莉爆Seed寸Andi 卓林：佢係想attack我

新年將至，吳綺莉今日突然在社交網上同囡囡吳卓林提早「開年」！吳綺莉在facebook貼上多張Andi的性感舊照，當日包括Andi酥胸半露被兩個男仔夾住影相，又有卓林去年4月疑向吳綺莉求助的對話截圖，當時卓林樣子驚恐，寫着﹕「I’m in danger（我有危險）」。

吳綺莉則寫着：「More blessed to give than to receive my dearest, happy new year, wish you all the best. free lunch and free love.(施比受更有福，親愛的，新年快樂，祝你萬事如意，免費午餐和自由戀愛。」似乎在揶揄Andi。她留言祝福朋友新年快樂之餘，亦有回覆好友說：「沒好好教好孩子，不想朋友們白幫。」

事後吳綺莉接受傳媒訪問時狂數卓林和Andi不是，指二人不停問身邊人借錢，令她好為難，又指Andi稱有人群恐懼症，所以未能返工。卓林今日回覆《蘋果》時表示有不開心：「其實我現在都好努力做嘢support自己，佢要無端端cap低一張一張咁load上去都好花時間，佢明明後面都好晦氣，明明係想attack我，所以有少少唔開心。」

之後吳綺莉亦有回覆《蘋果》說﹕「只是說事實，不想欠朋友人情。其實我冇怪個女，因為個女仲係細，應該讀書，但佢太太有人群恐懼症，所以希望大家可以幫吓佢。我冇attack個女，只係佢太太返唔到工做唔到嘢，但我覺得職業無分貴賤，佢太太可以做餐廳侍應、7-11……我諗7-11人唔太多，都可以做吓，而個女就可以讀書，但如果要我欠太多人情，就唔好吖嘛。」