【電影LOL.UA結業】傳2大院商爭奪UA據點 百老匯遭入稟追裝修費

·2 分鐘文章

經營36年嘅UA娛藝院線,尋日宣布清盤結業,遣散近300名員工。疫情之下,政府嘅防疫措施令戲院關門長達163日,UA捱唔住證明咗戲院業界有幾難做!

今日有報導指,MCL同英皇戲院都有意接手UA嘅戲院。由寰亞電影老闆林建岳擁有嘅MCL,一月先向UA出價5600萬買入K11 Art House 戲院,市場盛傳林生有意買埋其他UA戲院。另一方面,近年迅速崛起嘅英皇亦傳有意加入競爭,目標係UA喺旺區嘅戲院。2間公司都未有回應有關報導。

【電影LOL.UA結業】傳2大院商爭奪UA據點 百老匯遭入稟追裝修費
【電影LOL.UA結業】傳2大院商爭奪UA據點 百老匯遭入稟追裝修費
【電影LOL.UA結業】傳2大院商爭奪UA據點 百老匯遭入稟追裝修費
【電影LOL.UA結業】傳2大院商爭奪UA據點 百老匯遭入稟追裝修費

業內人士話,起喺商場入面嘅戲院有特定建築結構,業主如果要將原有戲院改裝劃成鋪位,要花一大輪工夫同文件來往。所以估計設有UA戲院嘅商場業主,會傾向將戲院轉手交俾院線承租,咁係最方便嘅解決辦法。UA戲院爭奪戰相信係呢幾個月行內話題。

另一方面,內地商人伍克波旗下嘅嘉禾院線,亦有傳會將經營權轉手,有報導話買家係香港商人于品海。創辦網媒《香港01》嘅于喺內地擁有大地院線,呢項交易聽落合情合理。但係嘉禾方面未有回應。

【電影LOL.UA結業】傳2大院商爭奪UA據點 百老匯遭入稟追裝修費
【電影LOL.UA結業】傳2大院商爭奪UA據點 百老匯遭入稟追裝修費

今日仲有單料係同行內龍頭百老匯有關。為百老匯太古城MOViE MOViE承辦裝修嘅公司,入稟向安樂戲院有限公司及百老匯戲院有限公司追討1133萬元。入稟狀提到裝修公司2017年12月完成工程後,2間被告公司未有清付全數1183萬裝修費,只係喺去年9月找數50萬,原告於是尋求法院以民事追討款項。

聽完唔少行內消息,希望觀眾盡可能支持一下,去戲院睇場戲啦!

更多電影文章

【電影LOL】UA院線宣布全線結業 官方聲明︰痛心及艱難的決定

【電影LOL】今個星期睇咩戲 《疑.媽》《好好拍電影》《90分鐘驚濤械刧》《反轉三國志》

【電影LOL】迪士尼又翻新經典 《木偶奇遇記》Joseph Gordon Levitt聲演蟋蟀仔

【電影LOL】大導David Fincher 夥拍《七宗罪》編劇 幫Netflix拍暗黑新片The Killer

【電影LOL】港產抗疫電影《總是有愛在隔離》預告片見街 張繼聰張智霖肉帛相見 方力申呼吸困難

【電影LOL.金球獎2021】「黑豹」Chadwick Boseman榮膺影帝 趙婷成首位華裔女性奪最佳導演

【電影LOL】派拉蒙加入串流大戰 《職業特工隊7》上畫後個半月有得睇

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能