一家人渡假被逼分兩班機? Thomas cook 鬧醜聞
一家人去旅行,本來係一件值得開心嘅事,但係如果你一早book好晒機票、酒店,但係出發嘅時候先突然被通知你同屋企人要分開兩班機坐,唔知你又會有啲咩嘅反應呢?最近呢件事就發生左係英國一位女士身上。
來自諾森伯蘭郡克拉姆林頓嘅Annette Musgrove,一早計劃咗一行10幾人一齊去法國嘅迪士尼樂園渡假,一家人亦好享受係迪士尼樂園共渡嘅時光。原本以為係一個完美嘅假期,點知係回程嘅時候就發生咗呢件令完美假期180扭轉嘅事件。
係佢哋去機場嘅途中,得知航空公司Thomas Cook 將佢哋四位家庭成員,包括兩個分別係三歲同四歲嘅小妹妹,仲有小妹妹嘅舅父同埋舅父嘅朋友安排咗係另一班機。最令佢無奈嘅係,為咗確保佢哋全家人可以坐埋一齊,Annette事前已經因為咁樣支付咗7500英鎊,當時由於係有限嘅時間之下,Annette 別無選擇被迫再比多2500英鎊重新購買機上僅餘嘅幾個座位。
對於Thomas Cook 咁樣嘅安排佢哋一家人當然十分之不滿啦,而Thomas Cook 發言人係得知事件之後就話係因為公司嘅行政失誤所引致,仲話將會安排賠償翻Annette 重新購買座位嘅費用。不過經過呢件事之後,相信佢哋對航空嘅公司一定已經失去信心。
好在Annette 同屋企人係法國迪士尼都玩得開心。
Thomas Book 嘅失誤著係認真誇張。
Annette 無啦啦被逼俾多2500鎊。
All pics from NCJ news
相關文章
【立即讚好】全新 Yahoo 旅遊 Facebook 專頁
Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!