一起走過|歐錦棠爆TVB曾發4封律師信 被指放逾900日病假怒斥樂易玲:膠層

一起走過|歐錦棠爆TVB曾發4封律師信 被指放逾900日病假怒斥樂易玲:膠層
一起走過|歐錦棠爆TVB曾發4封律師信 被指放逾900日病假怒斥樂易玲:膠層

歐錦棠今年初透露老婆萬斯敏完成胸椎脊骨腫瘤手術,仲表示要拖住手走到最後,經歷過分離再復合嘅佢哋至今仍恩愛,近日更孖住接受港台節目《一起走過》訪問,與楊紹鴻、文頌嫻訪問大談過往由亞視主持轉到TVB當演員嘅心路歷程,自爆當年與TVB不歡而散。

歐錦棠現時主力經營劇團「劇道場」及YouTube頻道《乜乜棠水舖》,於《一起走過》中分享,當年向亞視表示自己想拍劇唔想再做《今日睇真D》主持,一度被雪藏。轉投TVB後,歐錦棠曾向TVB攞3個月無薪假演出舞台劇,及後拍攝電影《魔警》時左眼爆血管,成隻眼變成鮮紅色,公司叫佢再攞3個月假。歐錦棠指,放假期間有文教組導演叫佢上節目做嘉賓講香港漫畫史,對方亦可以就角度只影右邊面,所以就拍咗4集,但之後就收到藝員科電話指唔計騷錢。

及後,歐錦棠為咗演舞台劇又向TVB請假,結果被公司覺得唔聽話向佢發出律師信,又指自己無還騷就解約:「出咗四封律師信,要我返去拍劇,唔係消假,而我直情唔睬佢,但我仲爭年半約,理論上要還騷畀公司,佢哋都無符,主動同我解約,唔使還騷。」歐錦棠又指,覺得背後有人幫佢,因為仲有年半約成過百個騷,無人試過唔還騷就走,佢就話唔知係邊個,但好多謝呢個恩人。

TVB層樂易玲曾於當年出席活動時,向傳媒指歐錦棠自2013年攞足900幾日病假及推劇;對此,歐錦棠亦曾於社交平台出PO反擊,仲以膠層稱呼對方:「成千日病假?你係老闆都唔批啦﹗邊個醫生批你病三年呀?嗰啲叫做冇薪假,我地叫No Pay Leave,用新任財爺英文就係No Salary Holiday,搞清楚先啦,膠層﹗」

《一起走過》截圖
《一起走過》截圖
《一起走過》截圖
《一起走過》截圖
歐錦棠
歐錦棠
歐錦棠
歐錦棠
歐錦棠
歐錦棠
歐錦棠
歐錦棠

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能