丁子朗「好鍾意」麥明詩

丁子朗對麥明詩有讚無彈!
丁子朗對麥明詩有讚無彈!

藝人丁子朗曾自爆視湯洛雯(靚湯)為女神,今次他現身好友陳敏之網上頻道節目,不但坦言冇避忌湯洛雯有男友,繼續「迷戀」對方,更「加碼」大爆原來心目中還有另一位女神!節目中,他對湯洛雯讚不絕口:「因為我覺得靚湯真係靚啦,同埋靚啦,外表完全係……優!」問到有否眼紅對方男友馬國明?他直言:「唔會,但我成日同佢講『我好鍾意你女朋友呀。』」

至於另一位女神原來是十優港姐麥明詩,他說:「我好鍾意佢嘅才華,10A已經係叻啦,同埋佢思想方式同一般大家平時生活中接觸嘅朋友有啲唔同,佢處理啲問題、危機,佢嘅睇法係唔一樣㗎喎!」他又指遇到難題時,都會向軍師麥明詩請教:「入咗行之後,譬如我好多諗唔通嘅位,我都真係會搵佢,我會打電話畀佢,『你覺得點呀呢啲位?』畀人影到喇,第二日見Press,我問佢『我應該點答呀?』佢就話『你度定呢個答案啦,呢個答案風趣得嚟又唔會死,啲記者又鍾意你,問完之後又會收聲。』」

麥明詩
麥明詩



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能